2016北海道自駕遊 - 道央道南春遊 (第二天)

札幌->富良野->美瑛->札幌
第二天行程好緊密，一早就出車去富良野。去過咁多次北海道，富良野都係第一次去，所以好期待。我地選擇去富良野必去既富田農場，好想睇下花海。點知.....原來未係時候~~!! 乜都冇得睇~!









咁唯有去食個和牛補數啦。くまげら（Kumagera）在富良野都幾出名，佢既和牛刺身飯一定要試。




和牛刺身果然好味。我地又叫左個熊肉飯，呢個熊肉...可以以後都唔叫，完全唔好食。











食完就去參觀富良野紅酒廠，睇完覺得都係不如去法國啦，但都係叫見識過囉。








去北海道，點都要試下蜜瓜，我地在香港時已電郵預約左呢間吉田農場參觀。




我地仲可以親手體驗"割"個蜜瓜落黎。其實真係得個"割"字。正當女團友係到選購戰利品時，我就勁啦，一個人食哂吉田農場俾人試食既蜜瓜。






富良野附近就係美瑛，一定要睇下幾個名勝既。青池同埋白髭の滝。
青池真係好靚，可惜天氣唔好，好想係到影張靚相做WALLPAPER。




白髭の滝就其實冇乜特別，去到時仲要係冇乜指示，要靠估去搵。


回程返札幌，都要大約2個多小時。今晚就要去食SHABU SHABU，係網上搵左好耐，最後決定去呢間涮鍋十勝。


咁岩撞正佢2周年紀念，做減價，每人都係6240YEN。






諗住咁平都係普通啦，點知佢D牛靚到呢~! 在香港通常追加既時間會愈黎愈長，呢間好特別，你愈叫佢就愈快會送上和牛。真係做香港人生意，隨時蝕俾你~~!








食完行唔郁，返酒店休息。

くまげら 富良野 富良野市日之出町3-22 TEL: 0167-39-2345

涮鍋十勝　薄野店 札幌市中央區南5條西3丁目 Ramada Sapporo酒店1樓
TEL：+81-11-522-0776

============================================

感謝 龍人遊記 提供以上資料

龍人遊記的網誌: http://dragonman-t.blogspot.hk/

============================================