2016/2017韓國必玩冬季活動+景點攻略

2016/2017韓國必玩冬季活動+景點攻略

各位Buddy又到咗一年嘅尾聲啦，意味著冬天同我地愈來愈接近。今年冬天假期會想喺邊到過，又想同邊個一齊渡過呢？不妨考慮去韓國過一個白色冬天，為2016年劃上一個完美嘅句號啊！韓國冬季大概係每年12月到出年2月左右，由於受西伯利亞風所影響天氣非常寒冷乾燥，而且仲會落雪，無錯就係落雪！令身處香港嘅Buddy對落雪產生無限嘅幻想，唔單止會落雪凍起上黎河面仲會結冰，亦因為喺寒冷嘅環境底下洐生咗好多精彩又好玩嘅冬季特別限定活動！

由於時間關係小編已經整合咗一系列到韓國必玩嘅冬季活動+景點啦，仲有d係特別限定活動，內容包括活動簡介、活動地點、開放時間、地點特色等同大家分享，廢話少講快D去馬睇下有咩啱大家玩啦！

P.S 以下資料只供參考！

7個不可錯過的韓國冬季活動

1.滑雪
-芝山滑雪場
-洪川大明滑雪場

2.摘士多啤梨
-論山草莓叔叔農場(논산 딸기삼촌농장)
-楊平草莓體驗節(양평딸기체험축제)

3.冰上釣魚
-冰雪王國華川山鱒魚節
-平昌鱒魚節(평창송어축제)

4.滑雪兜 
-愛寶樂園 Snow Buster
-首爾樂園雪橇場

5.溜冰
-木洞室內溜冰場 목동아이스링크(실내)
-樂天世界室內溜冰場 롯데월드 아이스링크(실내)

6.雪景溫泉
-水安堡溫泉
-雪嶽溫泉池

 7.汗蒸幕
-仁寺洞汗蒸幕 (인사동한증막)
-明洞首爾汗蒸幕(명동서울한증막)

6個冬季遊韓國唔可以唔去嘅地方

1.南怡島

2.晨靜樹木園

3.江村Rail Bike

4.小王子村

5.聖誕節老人村

6.真善美瑞士主題公園

-------------------------------------------------------------------------------
7個不可錯過的韓國冬季活動

1.絕對唔可以Miss嘅冬季活動—滑雪

適合人士︰#熱愛運動 #喜歡刺激 #挑戰自己

滑雪絕對係冬季黎韓國必玩嘅活動，所以千祈唔好錯過啊！可以一嚐滑雪嘅快感應該係好多Buddy們夢寐以求嘅畫面。但係韓國咁多滑雪場究竟去邊個好呢？等小編幫下眼啦，介紹兩個非常之近首爾市中心又高質嘅滑雪場，等大家可以開開心心一嚐滑雪嘅滋味啦！

想知更多可以禁我一下☛
韓國首爾滑雪全攻略2016/2017－如何選擇當地滑雪團local tour

滑雪場推介 

地方名稱︰芝山滑雪場

✓距離首爾市中心只有40min車程，即日來回完全無難度 
✓佔地50多萬坪茂密紅松林，場內空間寬敞
✓採用最新型的製雪設施管理系統，克服氣候所產生的問題，無時無刻提供最佳雪質
✓離利川陶瓷器園區與溫泉、愛寶樂園只有15min車程

地址︰京畿道利川市麻長面蟹越里山28-1 (麻長面)
경기도 이천시 마장면 해월리 산 28-1번지 (마장면)
網站︰http://www.jisanresort.co.kr
電話︰+82-31-644-1200
想方便D可以禁我一下☛
www.travelfever.com.hk/tourdetails-208-首爾滑雪芝山滑雪場一天團【廣東話指導1：18】 

地方名稱︰洪川大明滑雪場/大明維瓦爾第(Daemyung Resort/Vivaldi)

✓跟離首爾市中心約1hour車程
✓渡假村入面擁有韓國最大規模嘅住宿設施，仲可以由酒店直接入滑雪場
✓場內有13條滑雪道、10部可供四人乘坐嘅吊椅
✓韓國各種大賽與選拔賽主要場地，擁有雪質優良嘅滑雪道

地址︰江原道洪川郡西面寒峙谷街262 (西面)
강원도 홍천군 서면 한치골길 262 (서면)
網站︰http://www.vivaldipark.com 
電話︰+82-1588-4888
想方便D可以禁我一下☛
www.travelfever.com.hk/tourdetails-343-首爾洪川大明滑雪教學一天遊【真．廣東話滑雪教練】

2.落手落腳玩埋一份—摘士多啤梨

 
適合人士︰#親子樂 #士多啤梨控 #熱愛DIY

你可能會認為元朗都有得摘士多啤梨，點解黎韓國都玩呢d？事關韓國人對於冬天摘士多啤梨好隆重其事，仲會特登整個草莓節搞大件事！仲有就係唔知點解隔離飯真係香d，士多啤梨都係人地好食d，酸甜適中簡直就係一試難忘，再點埋煉奶黎食就完美啦！剩係摘士多啤梨好似dry咗D，當地士多啤梨農場都鐘意搞搞新意思，Buddy們可以DIY士多啤梨果醬，甚至乎士多啤梨蛋糕都有得整，各位就按返自己喜好揀適合嘅農場或者Local Tour啦！

摘士多啤梨tips！
★揀色澤紅潤+頂部有白色「頸位」就又香又甜

摘士多啤梨推介

地方名稱︰ 論山草莓叔叔農場(논산 딸기삼촌농장)

✓士多啤梨擁有低農藥認證，玩得開心食得安心
✓可以DIY士多啤梨果醬、士多啤梨花盆、士多啤梨番梘
✓土地肥沃、日照充足，士多啤梨質素高
✓可免費入場費

地址︰忠清南道論山市魯城面丙舍里423-9  
충청남도 논산시 노성면 병사리 423-9
網站︰ http://www.samchon.kr 
預約資訊︰ (需要預約)
-電話010-3884-4349
-電郵samchonkr@naver.com
-網站預約http://www.samchon.kr

地方名稱︰楊平草莓體驗節 (양평딸기체험축제)

✓參加一年一度摘士多啤梨盛事
✓欣賞韓國人水之故鄉—楊平，怡人的景色
✓可參加楊平農村體驗村體驗活動

地址︰ 楊平郡內農村體驗村 -京畿道楊平郡龍門面花田里山48-1  
경기 양평군 용문면 화전리 산48-1
網站︰www.yp21.net 
開放時間︰請留意網站的最新資訊
預約資訊︰ (需要預約)
-楊平農村踏青趣電話+82-31-774-5427、5431
-留意網站的最新資訊

想方便D可以禁我一下☛
www.travelfever.com.hk/tourdetails-209-韓國士多啤梨園+南怡島+小王子村一日團
*提提你︰如果想得到更多有關摘士多啤梨local tour可以上 www.travelfever.com.hk/ 搜尋關鍵字士多啤梨，就會獲得更多有關摘士多啤梨local tour資訊

3. 《來自星星的你》學頌依姐、都教授浪漫釣冰魚

 
適合人士︰#韓迷 #鐘意嚐鮮 #釣魚愛好者

喂！仲講《來自星星的你》會唔會out d啊？絕對唔會！就好似好嘅文章流芳百世，好嘅劇集亦都一樣令人耐唔耐又想重煲。戲中一幕都教授同頌依姐浪漫釣冰魚一集，二人喺冰面上「時間靜止之吻」真係sweet到暈啊！雖然現實世界中無情深外星人都教授，但釣冰魚呢樣小玩意就的的確確係韓國人每逢冬天必玩嘅活動之一！其實玩法都好簡單，去到冰魚釣場工作人員通常一早就已經喺冰面鑿好咗個窿仔，釣鉤穿上魚餌直接放入個窿到就可以等魚仔上釣喇。而且收獲仲可以即場整黎食，隨你喜歡可以煮辣魚湯、香煎魚、新鮮刺身等等。

釣冰魚tips！
★早上比下午人少而且d魚比較容易上釣，可悠然自得享受釣冰魚嘅樂趣
★靜靜等待魚仔上釣的確好有詩情畫意，但係得閒郁下條釣線，呃下d魚覺得魚餌係活生生，釣到嘅機會就自然高d

釣冰魚推介

活動名稱︰冰雪王國華川山鱒魚節

✓擁有只能存活於一級淨水嘅鱒魚
✓曾被CNN報導與加拿大極光同列為「世界七大冬季不可思議」
✓冰釣場環境十分之大，最多可容納8,000人
✓多種冰上釣魚種類︰夜間釣魚、兒童釣魚
✓唔單止釣冰魚，仲可以玩埋雪車、雪兜、冰上足球、其他文化活動
✓華川山自然景觀山明水秀，環境治癒

地址︰Hwacheon riverside Hwacheon-gun,Gangwon-do,South Korea
網站︰http://www.narafestival.com
開放時間︰2017.1.7-2017.1.29
預約資訊︰(可先預約或到現場購買門票)
-電話+82-1330
-電郵nara3005@gmail.com 

活動名稱︰平昌鱒魚節 (평창송어축제)

✓高海拔700米以上釣冰魚，海拔7700米以上傳聞是人類及動物最合適生活的理想位置
✓除了冰釣外還有各種冰上體驗︰雪兜、4輪ATV越野車等

地址︰江原道平昌郡珍富面京江路3562 (珍富面)
강원도 평창군 진부면 경강로 3562 (진부면)
網站︰http://www.festival700.or.kr 
開放時間︰2016.12月中(暫定)
電話︰+82-33-336-4000

想方便D可以禁我一下☛
www.travelfever.com.hk/tourdetails-345-首爾冰雪節釣冰魚+雪兜+南怡島一天團

4.大人細路都瘋狂—滑雪兜 

適合人士︰#親子樂 #手腳不協調 #鐘意瀡滑梯

老實講小編係唔敢去滑雪架，但雪兜就完全無問題，因為真心好爽皮！只要坐喺個雪兜上面就可以好輕鬆咁喺高處滑落黎，完全無技巧可言！最啱果D不思進取只想快樂嘅你，其實係小編本人……不過有陣時小朋友仲未夠歲數學滑雪，滑雪兜絕對係韓國冬季活動嘅過癮之選。 

滑雪兜推介

地方名稱︰ 愛寶樂園 Snow Buster

✓專為兒童而設的雪兜滑雪道，分別有三種難度
✓雙人雪兜可以一齊玩唔洗做孤獨鬼，阿媽可以湊住個仔
✓每個角落都有暖風機溫暖冰冷嘅雙手，唔洗驚冷親
✓玩完雪兜仲可以玩埋愛寶樂園入面其他遊戲設施

地址︰京畿道龍仁市處仁區蒲谷邑愛寶樂園路199 (蒲谷邑)
網站︰http://www.everland.com/ 
開放時間︰暫未公佈，請留意官方網站

地方名稱︰首爾樂園雪橇場

✓滑雪道分開成人、兒童專用，玩起上黎更安全放心
✓可體驗打雪仗、堆雪人等各種玩雪GAME
✓設有木柴暖爐

地址︰京畿道果川市光明路181 (莫溪洞)
경기도 과천시 광명로 181 (막계동)
網站︰http://www.seoulland.co.kr 
開放時間︰暫未公佈，請留意官方網站

想方便D可以禁我一下☛
www.travelfever.com.hk/tourdetails-202-韓國冬季雪兜場+南怡島+小王子村一天團
*提提你︰如果想得到更多有關滑雪兜local tour可以上 www.travelfever.com.hk/ 搜尋關鍵字雪兜，就會獲得更多有關摘滑雪兜local tour資訊

5.像韓劇男女主角般約會—溜冰


適合人士︰#韓迷 #鐘意室內活動

唔知大家有無發現到唔少韓劇都會有男女主角喺溜冰場入面浪漫約會嘅情節呢？應該引死唔少Buddy，可能現實世界大家未搵到人一齊去溜冰但都唔洗失望。依然可以一到韓國嘅溜冰場重溫韓劇情節，話唔定仲會俾你遇到溫柔Oppa！

溜冰場推介

地方名稱︰木洞室內溜冰場 목동아이스링크(실내)

✓韓國冰上室內競技所舉辦的地方，具有國際規模的設施
✓溜冰場鄰近地鐵站，只需10分鐘路程
✓全年無休，冬天溜冰更有feel

地址︰首爾特別市陽川區安養川路939 (木洞)
서울특별시 양천구 안양천로 939 (목동)
網站︰http://www.mdicerink.co.kr 
開放時間︰(Mon-Fri)14:00-18:00，(Sun、Sat、國定假日)12:00-18:00

地方名稱︰樂天世界室內溜冰場 롯데월드 아이스링크(실내)

✓雖然係室內溜冰場，但玻璃屋頂設計可以感受到陽光嘅溫暖
✓其他游樂設施︰保齡球場、撞球場、電子娛樂場、實彈射擊等
✓開放時間夠長，彈性配合你嘅旅程

地址︰首爾特別市松坡區奧林匹克路240 (蠶室洞)
서울특별시 송파구 올림픽로 240 (잠실동)
網站︰http://www.lotteworld.com/icerink
開放時間︰
旺季(7-8月、12-2月)
(Mon-Fri)11:00-22:30
(Sun、Sat、國定假日)10:00-22:30

淡季(3-6月、9-11月)
(Mon-Fri)10:00-21:30
(Sun、Sat、國定假日)10:00-22:30

6.歎住睇靚景—雪景溫泉

適合人士︰#HEA #歎 #鐘意靚景

去旅行最緊要歎！黎到韓國一樣要歎，講到歎又點可以錯過望住個靚靚雪景再浸喺暖粒粒嘅溫泉入面。兩個字，寫意！而且好多泉水都有治療舒緩嘅作用，Buddy們記住揀返個岩自己功效嘅地方浸溫泉啊，絕對係事半功倍！

浸溫泉tips！
★由於泉水溫度高，浸前用木桶仔倒少量泉水於身上，適應後先享受溫泉
★未食飯、岩岩食完飯、完飲酒後都唔建議浸溫泉
★每次浸溫泉大概5-10Min左右，溫度低嘅溫泉可以浸20-30Min

雪景溫泉推介

地方名稱︰水安堡溫泉

✓韓國具30000年歷史嘅最古老天然溫泉
✓250米嘅深處湧出泉水、水溫53度、酸度約8.3度，屬於弱鹼性溫泉
✓泉水含有多種有益人體嘅礦物質，可舒緩肌肉疲勞、神經痛症等
✓享受溫泉同時觀賞美麗山色，十分療癒

地址︰韓國忠清北道忠州市水安堡面溫泉里100番地
網站︰http://www.suanbo.or.kr/?ckattempt=1

地方名稱︰雪嶽溫泉池

✓泉水含有豐富嘅鐵質，可以治療胃病、貧血、神經痛等
✓又叫「五色溫泉」，對皮膚十分好有美容功效
✓可以一路浸溫泉一路欣賞雪景

地址︰江原道襄陽郡西面大青峰街58-12 (西面)
강원도 양양군 서면 대청봉길 58-12 (서면)
預約資訊︰-電話  +82-33-672-2645,+82-33-672-3849
開放時間︰07:00~21:00(年中無休)

想方便D可以禁我一下☛
www.travelfever.com.hk/tourdetails-402-利川SPA%20PLUS溫泉樂園+樂天Premium%20名牌Outlet+陶瓷製作體驗一天遊

6.韓國人皮膚晶瑩剔透嘅秘密—汗蒸幕

適合人士︰#美容達人 #所有女孩子 #鐘意吹水 #韓迷 #relax

相信唔少Buddy都會好奇點解韓國男女老幼d皮膚都咁好？秘密就係汗蒸幕喇！事關汗蒸可以通過汗腺流通身體加速循環，令到體內嘅毒素排走，而且蒸幕入面主要係由黃土、鹽、紫水晶、木炭、玉石等材料組合而成，分別有促進血液循環、防止老化、皮膚再生、溶解體內毒素、加速新陳代謝等功效，好處多到數唔晒。汗蒸幕入面仲有好多娛樂活動︰唱k、打機、按摩、專人去老泥等，所以韓國人去汗蒸幕就好似我地去飲茶咁普通，經常排毒皮膚自然靚靚！蒸完排走一身汗記得飲返地道嘅甜糯米湯、食補充營養嘅雞蛋啊，咁先係汗蒸幕全體驗。天寒地凍可以喺暖粒粒嘅汗蒸幕入面食住野同三五知己傾計就最好不過啦！

汗蒸幕tips！
★需要全裸入浴，不論是更衣室/澡堂都沒有遮蔽物，也不能夠帶毛巾
★汗蒸幕時需要穿著專用嘅汗蒸服，頭髮保護需要蓋上亞麻布以作保護
★基本汗蒸時間為5min，如果一開始唔適應可以出去休息再繼續享受汗蒸幕
★汗蒸過程令身體排毒處於缺乏水份、營養的狀態，結束後一定要補充水分
★選擇汗蒸幕時段︰一天的結束、乘搭零晨機後可以選擇在汗蒸幕裡留宿

汗蒸幕推介

地方名稱︰仁寺洞汗蒸幕 인사동한증막

✓交通非常方便鄰近地鐵站出口
✓設有多個美容養生套餐︰面膜、精油按摩、腳底按摩等
✓可以體驗穿著韓服

地址︰首爾市 鐘路區 雲泥洞65-1
월드오피스텔 地下1層서울시 종로구 운니동 65-1 월드오피스텔 지하1층
預約資訊︰-電話 02-765-8025
開放時間︰ 9:00-22:30(年中無休)

地方名稱︰明洞首爾汗蒸幕 명동서울한증막

✓專為女生而設的汗蒸幕，安心又relax
✓設計簡潔明亮有別於一般汗蒸幕
✓遠程紅外線汗蒸，使身體緩解衰老
✓設有多個美容養生套餐︰面膜、全身按摩、全身搓澡等

地址︰首爾市中路忠武路2街50-6號Rions大樓1層
網站︰http://mdseoulspa.com/mobi/china.php?PHPSESSID=850a3016c48b9a3764b09cffef2d59d9
預約資訊︰
-電話 02-2269-2222
-預約網站
開放時間︰09:00-23:00

6個冬季遊韓國唔可以唔去嘅地方

1.過一個浪漫嘅冬天—南怡島

適合人士︰#影相達人 #需要放鬆 #大自然愛好者 #韓迷

✓多部韓劇取景地點，其中最經典《冬季戀歌》
✓一年四季風景同樣怡人
✓環境遼闊空曠，感受大自然之寧靜

雖然一年四季春、夏、秋、冬，南怡島景色都咁迷人，但絕對唔可以錯過冬天到訪南怡島嘅機會！因為聲名大嘈，紅遍全亞洲嘅《冬季戀歌》就係喺呢度取景拍攝，話明《冬季戀歌》緊係冬天黎玩就最有feel啦，一於今個冬天帶埋阿媽一齊黎南怡島重溫當年情彩嘅情節！就算無追開韓劇嘅Buddy黎到南怡島都絕對唔會失望，因為呢度嘅環境真係好優美，十分之適合渡假旅行，一洗平時生活、工作嘅勞累。

地址︰京畿道加平郡加平邑北漢江邊路1024
開放時間︰Mon-Sun 07:30-21:45

想方便D可以禁我一下☛
www.travelfever.com.hk/tourdetails-561-韓國士多啤梨園+南怡島+雪兜一天遊

2.感受濃厚嘅聖誕氣氛—聖誕老人村


適合人士︰#親子樂 #鐘意小動物 #小朋友

✓聖誕老人村內全都是充滿聖誕氣氛嘅佈置
✓小朋友可以跟綿羊近距離接觸，餵羊羊吃草
✓岩晒帶小朋友去玩親子樂

未草到錢去芬蘭嘅聖誕老人村，不如考慮下去韓國嘅聖誕老人村頂住檔先啦！雖然一定比唔上芬蘭嘅聖誕老人村，但係韓國嘅都唔差架，村內佈置咗聖誕氣氛嘅裝飾好有聖誕節氣氛，剩係影相就已經夠玩啦！仲有小朋友最鐘意嘅綿羊，可以俾佢地試下同動物相處，真係一舉兩得架！

地址︰강원도 홍천군 서면 두미리 631-6 | 대표전화
網站︰http://finlandvillcamp.com/main/index.html
電話︰ 033-433-0201

想方便D可以禁我一下☛
www.travelfever.com.hk/tourdetails-560-韓國聖誕老人村+士多啤梨+雪兜一日遊

3.打破你對燈飾嘅感覺—晨靜樹木園夜燈節


適合人士︰#鐘意睇景 #大自然 #一家大細 #韓迷

✓《她很漂亮》的取景地點
✓無論係日頭定夜晚景色都一樣咁靚
✓一年一度夜燈節，全城期待
✓夜燈佈置十分細緻，連小花都被佈置

香港夜景出名靚，維港兩岸嘅燈飾每年都咁閃耀動人，但Buddy們有無唸過韓國同樣都有迷人嘅夜景呢？晨靜樹木園日頭就係一個烏語花香嘅公園，(夜燈節在每年12月到明天3月中左右舉行)但到夜晚就搖身一變燈光燦爛嘅夜燈節，小至一朵小花到一棵巨樹都會佈置到，細仔程度唔係我地想像得到，就好似走入咗童話故事情節一樣，所以有機會呢段時間去韓國玩嘅Buddy一定要去大開眼界啊！

地址︰京畿道加平郡上面樹木園路432
電話︰82-31-584-6702
開放時間︰08:00-20:30(12月-3月—09:00-19:00)

想方便D可以禁我一下☛
www.travelfever.com.hk/tourdetails-395-韓國晨靜樹木園夜燈節+摘士多啤梨+玩雪兜浪漫一天團

4.古舊路軌改建而成嘅至Hit玩意—江村Rail Bike


適合人士︰#鐘意郁下 #需要放鬆 #大自然愛好者 #韓迷 #一家大細

✓《Running Man》曾經的取景地點
✓一邊踩Rail Bike一邊欣賞風景
✓跟住路軌踩絕對唔會盪失路
✓一家大細共聚天倫樂

只要《Running Man》拍過野嘅地方就立即人氣UPUPUP，絕對係個美麗嘅魔咒！不過都要個地方本身有過人之處先會吸引到大家黎玩架，用舊路軌改成嘅Rail Bike真係做到保育同發展，以前呢度真係會有火車經過架，不過依家就變咗韓國學生放假嘅娛樂，可以一邊踩住Rail Bike又唔洗睇住地圖，望住靚風景發下呆同班 friend吹吓水真係一流嘅消閒活動，傾計唔再限制喺Café。除咗同朋友黎仲可以帶埋一家大細黎親子樂，一架車最多可以坐四個人，咁就唔怕睇唔住D細路啦！

地址︰江原道春川市新東面金裕貞路1385
網站︰http://www.railpark.co.kr/
開放時間︰09:00-18:00 (夏天旺季會延長)

想方便D可以禁我一下☛
www.travelfever.com.hk/tourdetails-390-江村Rail%20Bike+士多啤梨園+晨靜樹木園夜燈節一天遊

5.充滿童話氣息嘅夢幻小村落—小王子村

 
適合人士︰#鐘意小王子故事 #親子樂 #影相狂迷 #韓迷

小王子村建築風格帶有童話故事嘅色彩，每一間屋都油上夢幻色彩嘅油漆，真係會每行幾步就要停一停影返張相！除左靚靚嘅屋仔，仲有唔同嘅區域︰禮堂、畫廊、戲院等等，Buddy們就可以按自己嘅喜好去參觀啦！其實唔單止《來自星星的你》，好多韓劇都會係呢度取景，好似《秘密花園》都係喺度拍架，至於仲有邊套就等粉絲們去發掘啦！

地址︰京畿道加平郡清平面高城里616-1號
網站︰http://www.pfcamp.com 
電話︰82-31-584-8200
開放時間︰09:00-18:00

想方便D可以禁我一下☛
www.travelfever.com.hk/tourdetails-205-韓國小王子村+南怡島+晨靜樹木園夜燈節一日遊

6.彷彿置身於外國小鎮—真善美瑞士主題公園

 
適合人士︰#鐘意靚景 #女生至愛 #韓迷

唔知點解韓國成日會有呢d咁夢幻嘅地方，但係每一個都唔會令你失望！真善美瑞士主題公園同樣都係夢幻又童話嘅景點，吸引唔少女孩子，而且每一間屋都會有唔同主題︰博物館、主題館、照像留影區、幻覺藝術館等，Buddy們可以慢慢參觀啊！而且四周都被山景包圍，空氣非常之清新舒爽！但有一樣野要注意就係路比較斜一d，行得耐都會容易攰架，最好著輕便嘅服裝啦。

地址︰京畿道加平郡雪岳面多樂齋路226-57
網站︰http://www.swissthemepark.com/
電話︰ +82-31-581-9400
開放時間︰11:00-18:00(全年無休)

關於2016/2017韓國必玩冬季活動+景點攻略已經介紹完畢！如果Buddy有咩問題歡迎留言問我地，祝大家冬季旅行愉快！

—————————————————————–
資料來源:自遊狂熱-全球特色local Tour專家

我們的WEBSITE: http://www.travelfever.com.hk/
我們的Facebook 專頁: https://www.facebook.com/travelfever.com.hk
我們的Instagram: https://www.instagram.com/travelfever.com.hk/ 

Copyright © 2011-2016
TravelFever. All rights reserved.

============================================

感謝 TravelFever 提供以上資料

TravelFever的網誌: http://travelfever.mysinablog.com/

============================================