我滿月了。
我已經適應左依個屋企,啱啱出世時,只要用包被包到實一實,我就會瞓得好好,暐姨姨仲叫我做蠶蟲逸添!不過我依家大個喇,雙手唔鐘意被紮住,我要自由!另外,我發現左原來抱抱係比包被更加舒服,抱住瞓覺就最爽,大家快D黎抱我喇,我來者不拒架!
初頭我最鐘意瞓係我個寶座(High Chair),連夜晚瞓覺都係,不過爸爸媽媽話他們精挑細選左張咁舒服既床仔俾我,我要適應夜晚瞓床喎,依個星期開始我都乖乖瞓床仔了。
食奶奶方面,我好鐘意埋身食媽媽奶,但係太舒服好容易瞓著,而且奶奶出得太慢了,完全都食唔飽。食奶樽就暢快得多,但係點解次次都要食兩種口味?明明好地地開頭是媽媽奶的味道,但吃完之後唔夠飽就會轉另一種味的奶奶?都唔好食既!不過為左飽飽就勉為其難喇。
我依家望野望得遠左,最鐘意追蹤住行來行去的爸爸,亦鐘意望住電視機。我最鐘意的活動是沖涼,係水入面蛙下蛙下隻腳仔好舒服呀!
感謝 Catherine 提供以上資料
Catherine的網誌: http://www.wufamilyblog.com/~catherine/
累積瀏覽 726622
全部攻略 2152
全部回應 47