我的人氣blog文

今日無聊又睇睇自己個blog o既人氣統計刷刷存在感...
哈哈, 比我發現我篇陳年blog文 -- 關於根德園幼稚園...呢排又多左人睇
累積已經有過萬瀏覽量!!
嘩 ~ 估唔到有咁多,  睇o黎好多家長又開始搵幼稚園啦~






雖然3年幼稚園o既美好時光已經一去不復返...
但我同小齊都成日緬懷過去o既日子 ~
小齊而家坐校車都會經九龍塘, 經過遠遠望一下以前返 KV 段路
佢同我講過話: "媽媽, 我真係好想再返返根德園~"
小齊都好唔捨得 KV ~ 見到 KV 架校車都開心過人




雖然好多人都話根德園比起其他幼稚園多功課, 
有測, 默唔似一間幼稚園, 
但坦白講, 如果小朋友上堂有聽老師講, 
默書都係一個形式去考考佢地, 又唔計落成績表, 錯都無乜所謂 
評估會計落成績表但考o既o野老師一早同佢地溫左, 
所以在 KV時我根本好少同小齊溫書, 
多數都係叫佢抄下"星簿" 就當溫左書, 
評估內容都唔會太深, 都係教過o既, 所以無乜壓力咖 ~
我o既另一篇KV BLOG文 -- 感謝根德園! - 三年紀錄回顧分享文


升左小學之後, 測驗考試都會有, 
KV 真係幫到小朋友打底, 坦白講小齊而家都食緊 KV 老本
有人說過: 有快樂o既幼稚園但無快樂o既小學...
(我知係有快樂o既小學o既, 家長又快唔快樂咁解啫)

我自己就覺得 KV 生活雖然係WORK HARD

但o係另一方面又幫輕左小一生活要面對o既功課, 測/考壓力,

多得KV, 暫時小齊o既小一生活都算係輕鬆 (可能佢阿媽我要求都唔太高),

真係睇家長自己想要咩啦~




不過小學 HONEYMOON 好快完啦, 小齊就o黎要考試啦,

今次算係我同小齊第一次並肩迎接第一個考試!

經過幾個測驗, 我發現叫小齊溫書有時佢唔係太合作呢...

可能佢都唔係好明白點解要埋頭苦讀?!

而家只好我做多D, 自己出下題目考考佢當溫書啦

希望順利過渡考試啦 ~




是日靚衫: Armani Junior, Moschino

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================