香港最近多左個新觀光點「築地.山貴水產市場」，見個名甘QT都去潮聖下睇下佢咩野皮，係值得一去再去定係去過次做次遊客水魚就夠。其實因為見產網都好多人去甘所以我怕去到摸門釘，我預早就網上預約左日子時間去，誰不知可能我閒日星期一去唔太爆，當日門口職員講直入可以喇～ 入場係唔洗$嘅，只不過想食內部嘅食物就要每樣自己埋單喇。
入正題！叫得「築地乜乜乜」當然佢就真係衝著日本個個「築地」而來啦，你會見到內部裝潢會整到好似一個小型「築地」甘，有大型魚池養住好多龍蝦、長腳蟹個d囉！又會見有個位放左好多生蠔甘～ 成件事就你想令你覺得自己去左「築地」甘喇，當然啦～ 細好多啦????
![]()
其實一入門口會見到係干貨區，賣嘅係一d用海產做嘅野小食～蝦餅呀、魚干呀、紫菜呀個d甘上下啦～價錢就唔係太貴嘅不過唔係平～ 有d款你可能仲可以係日式大起市會買到～
![]()
![]()
不過當中有一款大家可以考慮買：QT有去日本嘅朋友買過當手信送俾我～ 而暫時我都未係香港其他地方見到！就係「燒汁味魷魚包糯米」佢係原隻大魷魚筒包住糯米已用燒汁煮好再真空包裝嘅！幾好味嫁！食法都好簡單》
![]()
大家可以開左包裝用錫紙包好蒸返熱又得、放焗爐烤香又得～ BBQ時燒都得！而我嘅朋友就教我碌蛋漿麵包糠去烤????～ 當日我見就$88 可接受嘅價啦～ 因為依度菜講真QT煮過～ 其實幾多步驟下都花時同心思～ 買現成就煮好嘅整返熱就唔洗煩囉????
入返正題！干貨之後係日本水果區，只能講貴啦，選擇唔多～ 同埋我自己出面訂仲平令正囉～ 對此有少少失望。之後日本酒～ 都係同樣問題=一=
![]()
去到食野區見到有外賣sushi ~ I Just Can Said 貴又少又唔係乜特別???? 仲少款同普通到去出面日本餐廳會更開心～
去到燒海鮮區又係選擇少=.= 貴！感覺入去要係富有人家先食到野～～～ 個龍蝦包海膽包！一食就食到龍蝦干巴巴冇鮮味～ 個包唔軟仲好散=一= 但個價係$168呀？ 我其實做左水魚吧？ 海膽放面都好少囉=一= 果然遊客區是遊客價～ 所以我都唔想評論～～～
![]()
![]()
到大家都話去食刺秒丼嘅位～ 我決定唔做水魚喇???? 因爲我由外見到嘅係：「好大個木盤」、「盤底好厚」、「飯超多」、「刺身鋪上單薄一層」=一= 值甘貴嗎？ 食飯我洗鬼黎咩～～～～我煮一桶請你食好冇？????
最後我同男朋友點左半打生蠔～ 點嘅係「法國特級女皇蠔」～ $268 ！總算今次黎做遊客有返個開心回憶喇！生蠔size 都有2/3手掌大細～ 肉身厚！睇得出嘅新鮮～ 口感係creamy~ 入口海水咸道適中、裙邊微微爽口、金屬味會慢慢跑出長而且long last 回甘！
![]()
我想講除左食燒海鮮同刺生丼個區有位坐～ 其他區全為立食～ 但就睇到下個海景嘅????
總括來講～ QT個人覺得香港依個「築地」係一個遊客觀光位甘啦～ 去過下一次都夠嫁喇～ 大家唔需期望好大甘會覺得可嫁同日本嘅築地比～ 因為QT答你冇得比嘅???? 價錢要有心理準備係貴係遊客價～
QT報告完畢～～～ 純個人意見不喜勿視????
![]()
![]()
![]()
![]()
================================
感謝qtqueenie提供以上資料
qtqueenie的網誌: http://www.openrice.com/zh/gourmet/reviews.htm?userid=50202632&city=hongkong
================================
