移民?!

這幾天的新聞看得人很累很氣餒,
政治的議題, 這麼近, 那麼遠...
很多人可能不明白今次釋法的意義, 
還十分高興藉此拔走佢地覺得唔順眼o既議員, 
但坦白講, 就算今次唔係 DQ佢兩個, 係建制派/非建制派o既人, 我一樣會反對

今日DQ得議員, 聽日DQ得法官...
平時好少o係blog講政治, 但今次不吐不快





還記得一點點當年上Constitutional and Administrative Law 堂講o既 Rule of Law, 
(當時覺得悶但今日反而有點懷念, 仲係 Professor Johannes Chan 教我o既, 諗起佢果單又係另一件傷心事...)
唉~ 以後真係要o係歷史同教科書中搵 Rule of Law...
所謂人心背向, 的確係當權者造成
我城明顯分裂,  要不你認同對方, 繼續生存落去, 
要不你抗爭, 或離開...

令我不禁想想移民的可能性...
如果無下一代呢個問題容易好多, 
但而家要諗多好多o野...為左小朋友要諗更多
父母, 讀書, 就業, 居住, 退休...
但不得不諗, 政治氣候o既o野只會越變越差, 
而家只係過左20年, 
好多你以為係常態o既o野已經逐步失去, 
不敢想像到小齊大個時仲剩低乜o野?

成日擔心小齊長唔長肉, 讀咩學校, 成績點樣...

其實都係次要...

佢o係咩環境成長? 佢大個左面對咩社會? 係更重要o既考慮!


今日看一刻館blog的文章,
                         香港禮崩樂壞　才是七十尾八十後的最痛
 於我心有戚戚焉...


移民潮在我少年時代已有出現,
當年讀小學, 中學時都耐不耐會有同學因為移民而退學
仲記得同學間當年一把眼淚交換通訊地址, 
有人去加拿大, 有人去澳洲, 有人去台灣...
當時果d 家長係以怎樣壯士斷臂o既心情離開自己最熟悉o既地方?
想不到今天輪到自己要諗啦...
移民又可以去邊呢? 費煞思量...

我有外國 passport 但外子同小齊無,

我又唔想去到太遠, 始終上有高堂,

亞洲會比較理想, 居住問題相對簡單, 邊度d樓貴得過香港?!

係要諗掂就業問題

好紛亂未諗到出路, 但要開始策劃...

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================