2016北海道自駕遊 - 道央道南春遊 (第三天)

札幌->神威岬->余市->小樽->札幌
去札幌，點都要去場外市場食番個醒神海鮮早餐。


其實每次去場外市場，都一定去呢間 北のグルメ亭，無他既，因為佢夠大囉。








海鮮飯係百吃不厭的。加上其他海鮮，似食午餐多過食早餐。












今次因為會由函館走，所以手信既野，睇下就算，冇買到。






之後就出車去新景點，就係積丹町既神威岬。位置係余市再行30分鐘車程左右。當過左余市後，好快會見到一間叫中村屋既食店，原來係好出名食海膽。冇錯，當然又要去食啦。食完早餐一小時左右就到LUNCH TIME。




呢到最出名就係混合海膽飯。




好大碗呀~~!






沿住國道229號行多一陣就會見到神威岬。






景色真係一流。












經過余市，點都要去余市蒸餾所行一轉。今次黎到既感覺冇上次冬天黎咁好。冬天時真係好正~!










係蒸餾所後面上山有個叫山本観光果樹園，上到去時侯同時間都唔岩，所以咩都冇得玩。混吉。




返札幌途中又一定會經過小樽，去得小樽又要定要去條運河影張相。今次我好肯定小樽係唔歡迎我，我去過咁多次，唔係大風雪就係大雨，今次冇落雨落雪啦，但個天色好差!


嬲嬲地去後面食個拉面算。






食完拉面就四圍下行，小樽確實係一個好寧靜既地方。






去旅行除左食，就係食，岩岩食完拉面宜家又去食壽司。今次要去食政壽司本店，點知6點未到就FULL左....真係巴閉。


咁唯有去另一間啦，旭壽司。去到又係FULL個相反詞，一個客都冇。包場..爽...正..! 




唔好以為唔好食，一樣都好好食。










食完真係要投降，回札幌途中經過百貨公司，去放下電之後就返酒店訓。

============================================

感謝 龍人遊記 提供以上資料

龍人遊記的網誌: http://dragonman-t.blogspot.hk/

============================================