72 小時的那霸市。沖繩。2016。十一月 (Day 2)

06-08.11.2016

DAY 2

沒開車的旅程 , 妣是早睡早起 . 晨早 8 點鐘就向泊港漁市場進發. 由酒店慢慢行去市場 , 約 15-20 分鐘 . 因為太早到達 , 得幾個旅客 , 非常冷清 .

日本地方 , 去得最多係沖繩及北海道 . 喜歡沖繩機程短 , 來個兩日一夜都可以. 但 Shopping 及海產 , 就北海道勝一籌 , 沖繩感覺只有魚 , 而北海道的海產種類比較多 . 以前來沖繩買野比較便宜 , 現在就超貴 . 小地勤買開的 Cleaning Oil 以前賣 2300 Yen , 現在 3300 Yen ... 仲要比人搶購一空 , 無得買 !

每次都買壽司吃 , 因為比香港新鮮及實惠 . 香港某間買便宜壽司的店 , 每次小地勤吃完都會胃炎發作 , 所以在香港都不吃壽司的 . 應該話係香港食一餐正宗的日本餐 , 夠我出張機票去日本 , 所以去日本吃比較化算 .

 離開前 , 看到賣牛奶的 , 就買來一試 , 咖啡奶甜度適中 , 很不錯 ! 之前在其他地方買的咖啡奶都甜到飛起的 , 所以很推薦這裡的咖啡奶 .

第一次來到古島駅 , 所以幫佢影返張相 . 無意中在 Google Map 發現這裡有間家品店 , 所以就來看看了 .

依間家品店唔見有遊客 , 但就有好多年歷史 . 見佢放出來既舊照片及簡介話以前位於國際通大街 , 後來搬到黎依到 . 係到有家具用品 , 大型傢具及床上用品 , 不過價錢就唔平 , 見佢大部份都 Made in Japan .

小地勤每天要吃早午晚基本三餐 , 有時胃口好就可以加多個下午茶跟宵夜 ! 正當我食 Lunch 時 , 我老公就因為早餐太飽唔食 , 自己走左去買貨 . 我個 200g 漢堡扒餐才 1000 Yen , 我再加多 100 Yen 食件 Cake .

食飽左就幫朋友買奶樽 , 幫妹妹買尿片 ... 之後比我發現底層 Made in Japan 的斷碼鞋做清貸大減價 , 左試右試左大半個鐘 , 終於以 170 蚊港幣買左對 1 吋高的鞋 . 日本製造穿上腳超舒服 , 覺得好抵 !

係小祿駅逗留左 4 小時後 , 再回到比卡超店打怪獸 ... 我老公其實係一名大細路 , 打機打左成個鐘都仲唔願走 , 怪不得站遊戲機寫明 18 歲以下 , 8 點後不准打機 .

唯有食住章魚丸等佢 . 味道一般 .

比卡超店樓上有間任食既店 , 要搵個機會試下抵唔抵食 . 其實機上仲有好多美少女戰士產品 , 聽日先再來逛多次 .

橫街來的屋台 , 係國際通到 . 以前好似唔多覺眼 . 行左一圈都睇唔啱有咩想食 .

食酒店附近的串角 , 經過很多次 , 終於有機會試下 . 原來入去坐唔食野 , 每次都要收 300 Yen.

食 10 串約 1200 Yen , 但任食同任飲 , 每位約 2400 Yen , 所以我兩共供食了 50 串 , 再加左1 6 杯飲品 , 抵呀 !!

來到日本 , 每晚都要到便利店報到 . 食返個甜品先夠完滿 .