不能說的秘密

小齊仍然在考試中~
我除左幫佢溫習之外, 
佢每日放學之後我通常都會問佢...





我諗都係每個阿媽都會問o既問題!
就係"今日考試識唔識呀?!"
"題目深唔深呀?"
小齊同我細個一樣
答案多數都係"識!"
但我相信結果亦會同我細個一樣, 
"識" 同 "啱" 係兩件事 , 
媽媽千祁唔好混淆呀! XD
如果我續問係問d咩o既時候小齊就唔多so我咖啦, 
"唔記得啦"~ 
"都係果d啦"~
"唔好問我啦, 我肚餓啦"~
anyway, 我仍是樂此不疲咁問~ ~
(無法啦, 今次係升小後第一次考試嘛~!)


尋日小齊考說話, 我問佢點呀? 問d咩呀?
佢講左一句, 突然醒起 (老師吩咐)
之後話:"我係唔會同你分享試題咖!
因為可能有人要補考, 我同你講左就唔公平!"
果然小學係最聽老師話o既階段!!
連媽媽都有"不能說的秘密"~ ~



小齊考試我都唔係好識同佢溫, 
多數都係叫佢自己抄寫下生字, 
我就拎書o黎問下佢內容,
希望佢做卷小心o的 ~
考試好似唔會派卷返屋企, 
所以佢考成點, 錯D咩可能會是個謎...
咁對我都有好處o既, 無眼屎乾淨盲!

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================