![]()
秋季..., 想起當造的大閘蟹..., 最好去邊到食?? 首選.. 一定買翻屋企蒸, 然後慢慢食, 一個鐘唔夠?? 兩個鐘...三個鐘囉..., 皆因...拆蟹肉實在太費時了..., 至於買蟹..., 港島的老三陽, 又或九龍城的永富..., 我都甚少幫襯..., 我幫襯得最多的是, 加連威老道的江記, 近年開咗間分店係紅磡, 近年多數去入貨. 但友人聚會, 想食蟹, 小弟屋企細窄, 最多都只可招呼五、六人, 超過十人聚會, 都係去酒家吧..., 天后, 夠方便.
![]()
蟹未出場, 先來冷盤填一填肚, 涼拌海蜇, 夠清新, 青瓜爽脆, 少少生蒜, 少少辣油, 好開胃.
![]()
此時此地, 食公定食乸 ? 傳統話: 九月圓臍十月尖, 講緊...當然係農曆, 大閘蟹喎..., 唔通西曆咩!? 蟹乸, 肚呈圓形, 農曆九月左右, 蟹膏結實, 油份十足, 而蟹公, 則肚呈尖形, 蟹膏顏色呈半透明白色, 較黏口, 更美味.
![]()
蒸蟹要反轉蟹身來蒸, 所謂的"肚朝天 蓋朝地", 原因是保存蟹膏精華不流走, 食蟹都一樣, 將蟹反轉開殼.
![]()
食蟹有沒有最正宗的食法 ??? 好為人師的麻煩友一定答 "有", 無論如何, 整隻蟹, 有些部份真的最好不要吃, 至於點食先最好...? 聽聽也無妨吧... 真係比你講晒... 哈哈哈... 蟹心?? 我唔知係邊?? 但蟹胃和蟹鰓就一定不可吃, 這是消化系統, 西醫角度而言, 就係污衊, 咁...中醫角度?? 勁寒涼囉..., 唔好問我點解..., sorry, 我作唔到個答案...
![]()
先食蟹蓋, 再食蟹膏, 然後慢慢拆肉..., 大多數人喜歡一邊拆蟹腳肉, 一邊食..., 我??? 我鐘意啖啖肉, 將所有蟹腳拆齊, 放在蟹蓋內, 灑些少薑粒和鎮江醋, 用匙更, 一啖, 放晒入口, 味道... 口感.., 你應該感受到的... ! 哈哈...
![]()
以四十五元的價錢, 大閘蟹的水準算是八十分了, 十分抵食, 拆完一輪蟹肉, 手有些少軟, 頭有些少暈, 也忘記了為這款"手揸骨"拍下全體照, 只好拍自己的獨家照吧, 手揸骨選用連骨部份的豬????肉, 先炸至酥香, 再淋上黑醋醬汁, 皮香肉滑, 鹹酸開胃.
![]()
再來禦寒補品 : 羊腩煲, 食羊腩煲, 不可以"崇洋", 西洋的"羊", 甚至高檔的紐西蘭羊...??? no la... , 只能夠用來做西餐羊扒, 而中式羊腩煲, 一定要用中國黑草羊, 黑草羊的皮夠厚, 膻味輕身, 加入配料: 枝竹、馬蹄、冬菇、檸檬葉等, 味道夠香夠濃.
![]()
最後, 友人落order, 再來一客鮑魚炒飯, 我以為只係鮑魚"汁"炒飯, 原來真係有鮑魚!!! 唔食就蝕底喇!!
================================
感謝oasiswong提供以上資料
oasiswong的網誌: http://www.openrice.com/zh/gourmet/reviews.htm?userid=85184&city=hongkong
================================
