熱辣辣。蘇梅島。泰國。2016。11月 (Day 1)

11-13.11.2016

小地勤怕熱 , 所以很少去陽光與海灘既地方 . 難得今次有免費酒店既體驗 , 怎可以錯過 ? 而且蘇梅島我亦未去過 , 今次唔洗我 Plan 行程 , 只要跟大隊 , 唔去都對唔住自己 !

香港去蘇梅島係有直航的 , 不過機票就不便宜 . 小地勤今次係出員工機票的 , 其實花花都有好多友好航空 , 所以係花花做 , 亦不比大柴差 , 一樣係可以環遊世界 .

雖然飛機是小飛機 , 3-3 的位子 , 但卻是傳統的航空公司 , 飛機餐及服務都不錯 , 而且餐飲大部份都用有機食材.

差不多 3 小時機程 , 就來到這個熱帶小島 , 感覺有點似峇里島 .

一落機就坐下面依架同 golf cart 相似既車到 Arrival Hall .

依個機場係無冷氣 , 被花花草草圍住 , 以自然為主題的. 依到唔知機場 , 似一個植物園 .

一過左關 , 就見到行李區 , 其實機場好細 .

特區護照唔洗簽證 , 如果排到頭位 , 過關會好快 . 你睇 , 一班機得 2 個入境櫃檯 , 再加上當地人工作比較優閒 , 所以一落機 , 建議大家行快兩步 .

攞好行李 , 可以係機場買張電話卡 , 唔貴的 . 而且個職員會幫你換埋張卡 , 一重開電話就即刻可以上網 .

酒店派車到機場接我地依班貴賓到酒店休息 . 我跟兩位同事同房 , 間房個厠所同我間屋咁大 . 仲有私人泳池 . 下一篇再介紹 .

酒店對面有 7 仔及 Family Mart , 有一間唱錢既小店 ( 4.38 , 算不錯 ) , 很多餐廳 , 仲有酒吧及 Foot Massage , 幾方便 .

半工作性質 , 所以友好公司為我們安排了午餐 . 由酒店係北邊 , 午餐的地方在南邊 , 車程約半小時 . 餐廳建在沙灘上 , 無冷氣 , 但海風令人很舒暢 . 十一月的蘇梅已算是比較涼 , 但都 25 度以上 , 而且係雨季 .

難得第一天就遇到好天氣 , 餐廳外的風景 , 令人唔願走 . 藍天白雲 , 一望無際既大海 , 不同藍色既海水 , 陣陣既海浪聲同海風 , 完全忘了自己來工作的 , 哈哈 !

餐廳既食飯亦很不錯 , 價錢就不知道 , 反正唔洗我比 , 就沒留意 . 炸魚很好吃 , 骨頭都炸脆了 , 佢地話到泰國一定要食炸魚 , 要超新鮮先做到咁既效果 . 冬蔭公 , 佢地亦好推介 , 話唔太辣 , 不過我一飲完就犯胃痛 , 可能太刺激了 .

來到亞熱帶小島 , 總覺得要飲椰青先配得上依到環境 .

吃飽後 , 就開始今日既工作 , 下篇再介紹 .

傍晚來到這個商場行街食飯買手信 .

裡面有間大超市 , 不過買零食都係 Big C 抵 . 有熟食買的 .

附近有很多生果 , 可惜無機會試下 .

商場內有很多小商 , 當然無貼價錢 , 而且唔肯減價 , 亦比較貴 .

天氣熱 , 就想吃雪糕 , 99株的綠茶紅豆 , 好抵 .

晚飯亦隨便搵左間有冷氣的日本餐廳 , 來到泰國吃日本菜 . 210 株的豬肉飯餐 .

臨走前食了一個芒草檽米飯 , 並外買一個回酒店再吃 . 150 株 , 現吃的那個比外買的那個好味 , 都係要即整即食先 OK .

晚上再到酒吧飲野 , 泰國晚上 10 點成條街都無曬人咁 , 好黑好靜 . 大家傾左陣間 , 就回酒店房休息 .

間房又大又靚 , 但我仲未有機會好好享受一下 , 有點浪費 !