9 品嚐拉麵x甜品

昨晚我們一行三人到過尖沙咀的

<出前一丁棒丁麵 X 甜品工房首間限定

「拉麵x甜品」概念店>。

品嚐黑蒜油、九州豬骨、味噌 

3 款同期間限定嘅口味。

  每款都配甜品做成定食，我們三人行，

三款湯底都要齊，三款美食同樣都是

清仔魚蛋、 2 塊叉燒、半邊糖心蛋、

木耳絲和大量的葱花、白芝麻。

和大家分享吓三款不同限定湯底口味：

豬骨湯濃濃郁郁，黑蒜油蒜味香口，

味噌濃香，三欵不同限定湯底口味我都試過，

可以用兩個字形容：「好味」，

三款湯麵都配棒丁麵，麵條滑滑可口。

每款湯麵都配自選甜品一款，

我揀「紫葡之戀」，用巨峰汁製作成冰磚，

鉋成幼細鉋冰，再放上，

好大堆頭的璃珠，璃珠非常有脆爆口感，

酸甜鉋冰配埋煙煙韌韌嘅小丸子，

小丸子變得不再單調，

提子皮脆肉甜，以及香芋雪糕糯米餈，

真是超完美配搭！

另一款「清妹黑白蜜語」，

清妹個萌樣真係好打耳呀！  

黑色嘅窩 夫脆杯其實是黑蒜油味，

我就覺得怪怪地，未習慣，

杯上係話自家製作嘅白芝麻軟雪糕，

再加多粒黑芝麻流心湯圓，

成個甜品好芝麻味！

「清仔嘜頭木槺布甸」甜品，

最頂嘅係印有清仔大頭嘅白朱古力片，

木槺布甸用了豆乳奶油及瑪莉餅碎製作而成，

 中間仲混入日本紅豆蓉，

旁邊嘅日式麻糬以花花造型登場，

超靚靚又吸引呀！

分享一下精品專區既清仔精品，我沒有購買，

但其中手推車，曾是我中獎的獎品。

牆壁、枱面都貼上清仔家族卡通貼圖

很有清仔家族的和諧氣氛。

拉麵加甜品是$60連加一小費每位是$66，

很滿足的一餐，超抵食！