遇到怪叔叔

呢排好多單變態孌童新聞, 
o係公園捉走小朋友...
好得人驚, 做家長真係要提高警覺!
尋日小齊都遇到怪叔叔...




話說夏天完左小齊就轉左去室內泳池學游水,
同埋棋棋表哥一齊1對2咁學啦
由於泳池係已經1.4米水深又唔準用floating tools, 
所以佢地可以做o既就係不停游...
當然佢地都係o係池邊游, 
以防唔夠氣果陣都可以即刻扶到岸~
反正1.4米同1.9米都踩唔到地, 我地通常就係1.9米果邊, 諗往少d人嘛

尋日兩條小魚正係同池邊成平衡姿勢咁游來游去
突然有個禿頭怪叔叔打斜咁游埋池邊, 
游埋去撞到小朋友都算, 
(公眾泳池人人可以游, 以前都試過撞到其他泳客, 有心定無意好易睇到)
佢居然兩手圍住小齊咁樣, 
小齊即刻停o係度, 
教練見到即刻喝問佢做咩撞埋o黎, 
果個男人仲好意思話係小朋友撞落佢度!!!
(明明我地一路直線來回! 佢就打斜箍埋o黎)
痴線!!
教練即刻叫返小齊游埋一邊 ~
好彩有教練話佢, 唔係小朋友真係唔知咩事?!


完左堂之後我都同小齊傾返, 
佢都話唔知咩事條友撞埋o黎?!
之前都試過有一次係有怪伯伯 (關愛座果d位度)
無啦啦坐緊巴士同小齊講唔知咩, 然後拖小齊隻手!! 
嚇到我即刻叫小齊起身走開!
三九唔識七, 講o野都算, 郁手郁腳做乜鬼!?
好彩我都o係佢身邊, 唔係小齊都唔知點好, 唔識反應...
 我唯有叫佢以後自己小心, 有咩事高聲呼叫啦!
香港怪叔叔好多,
女仔真係要識自我保護!!

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================