最治愈的畫面

好多媽媽都鍾意影仔女, 
我都鍾意, 其中又比較鍾意影佢食o野。
我見到小齊食o野, 同埋食得特別多o既時間會有種治愈o既感覺!
聽落好似好傻, 但我真係鍾意睇佢食o野個樣~








說來慚愧 (我指小齊呀) ~ 要比佢食慚愧波板糖 ~
佢平時係好少可以食晒一碗飯!
你可能諗, 係咪我裝太大碗比佢?
冤枉呀大人!!
梗係唔係啦, 我點敢呀?!



因為佢食唔晒要我食佢口水尾, 
如果我裝得多我咪自己攞o黎衰 ?!
我係"衣帶漸緊超後悔"
我試過太多次要執佢手尾所以我只會裝兩匙羹飯比佢咋!
(寧願佢唔夠再裝, 但根本好少有咁o既機會)
佢連兩匙羹都食唔晒, 
你話呀, 小齊係咪應該好慚愧?! 咁大個人!



所以我見佢食o野個樣真係莫名咁開心~






小齊一向都唔係高大, 而家好多同齡/細過佢o既都比佢高啦~
(好似表弟, 細兩年但一樣高, 人地表弟係大胃王!)
我又唔想成日拎身高體重o黎話佢, 
但做媽媽真係好擔心佢食得太少
營養唔均衡~



電視汁送飯~ 



其實小齊有婆婆公公湊已經算好, 
佢地都成日勸佢食多D
又成日帶小齊去街飲茶, 食o野, 
唔係我諗小齊會再瘦 D






但小齊都有D o野係好樂意食, 同埋食得好快
咪就係雪糕同生果囉
佢可以當飯食咖!
但食呢D唔長肉果度弊呢~



小齊o既飲食問題真係有排我操心 ~ ~

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================