8 令人回味的西班牙晚餐 ♥ Espuma

在尖沙咀 shopping 後，順便在附近食埋晚飯至返家

尖沙咀厚福街 H8 食肆聚多，但是兩隻小魔怪就是掛住 Espuma 的窩夫

所以這餐晚餐當然就是在 Espuma 食囉 !!!

大家都逛到累，唔想諗 ... 所以就點了客兩人份的晚餐 + 香脆咸豬手

先來精選小食盤 ...

。西班牙黑毛豬火腿 ...  咸香的黑毛豬火腿配埋甜甜酸酸的黑醋汁，很開胃

。焦糖單骨雞翼 ... 單骨雞翼食起來好方便，外皮又甜又脆，裡面的雞肉又嫩又滑

。西班牙黑毛豬火腿薯蓉 ... 味道清淡的炸薯蓉波波與黑毛豬火腿好夾，食落去一點都不油膩，仲多了咸香的味道

南瓜忌廉湯 ... 南瓜味道佷濃，入口清甜幼滑

雜菌湯 ... 很足料呢! 飲落去啖啖都有好多雜菌蓉，好豐富的口感

西班牙黑毛豬薄餅

餅底又薄又脆，配上新鮮爽脆的蔬菜，啱哂呢兩隻小魔怪的口味

海鮮西班牙炒飯

每粒米飯都吸滿了香濃的湯汁，除了海鮮，裡面仲加入西班牙腸，大愛呢 !!!

另外點的香脆咸豬手

一大碟的咸豬手，豬手肉質嫩滑，豬手皮香脆又煙靭，不會太油膩

我鍾意配埋醃菜一起食，食落去無咁肥膩的

終於到了兩隻小魔怪至期待的甜品時間

是日窩夫是囝囝至愛的 ... Oreo + Brownies 的窩夫配雪糕

估不到套餐的甜品都咁大份，囝囝囡囡每人一份就唔會爭 ~ ~

心型窩夫很鬆化，配埋 Oreo、Brownies 和吉士醬一起食不會太甜膩

我就鍾意加點雲呢嗱醬一起食，更加香甜好味的

囡囡好鍾意飲這兒的招牌水果茶，一大壼水茶裡面仲有很多水果

食飽飽嘆番壼甜甜酸酸的水果茶，真是幾爽的，就算 +HK$15 轉配都抵的

平時鍾意凍飲的囝囝也跟著我們轉配了荔枝苿莉茶

同樣都是一大壼，茶裡面也有幾粒荔枝肉，不太甜，飲落去有濃濃的荔枝味和苿莉茶香

Espuma

香港 九龍 尖沙咀 厚福街 8 號 H8 2 樓

** 以上分享是以我的口味、喜好和情況作出分享及感受，一試 / 合用與否請自行決定