未餵過人奶的,對於塞奶有幾痛,絕對是難以想像。胸部塞的部份會摸到有硬塊,細細力掂甚至唔掂都痛,瞓覺轉個身都要慢慢移動,全身手軟腳軟,有D人仲會發燒添!
第一次塞奶時,陪月姨姨幫我按摩胸部,過程好痛,但按完真係好D,加上一邊泵奶一邊自己推D硬塊,過左幾日先至通番晒。
第二次塞奶時,是陪月姨姨的LAST DAY,她只能幫我按了一次,之後要靠自己了。上次塞完奶之後已買定卵磷脂看門口,除了食卵磷脂之外,逸逸啜啜又叻左可以幫下手,不過都挨了幾日痛。
昨晚又塞奶,立即食卵磷脂,本來想要逸逸埋身幫下手,點知她吃得太飽啜了幾下就睡著了,結果還是要挨痛睡覺,幸好她啜啜的能力真的越來越強,第二天早上奶奶完之後我個胸已經鬆晒了。
所以我的塞奶救星當然就是逸逸了。
感謝 Catherine 提供以上資料
Catherine的網誌: http://www.wufamilyblog.com/~catherine/
累積瀏覽 721321
全部攻略 2152
全部回應 47