我最鍾意吹單簧管

我最鍾意吹單簧管~!
我最鍾意吹單簧管~!
我最鍾意吹單簧管~!
重要o既o野要講三次!!!
小齊o既 clarinet 老師好搞笑, 
叫佢地每日都要咁樣講三次
洗腦是也~





之前都講過小齊o係學校學單簧管, 
都學左大概3個月, 
暫時都係好初階, 
吹單音, 練氣, 練技術, 
而家開始會吹下歌仔



小齊礙於手指太細比較難按實, 
走音難免...



我就唔覺得佢特別鍾意吹
但有時吹到歌仔佢都開心o既
音樂o既o野, 興趣加苦練缺一不可
讀書有時都可以貼下題, 撞下彩
音樂o既o野就真係一分耕耘一分收穫
一定要多多練習, 可惜暫時都仲未做到...



吐音練左幾堂卒之掌握到技巧, 
其實都唔易 ~ 我自己都試過...搞唔掂...
我所謂陪練云云就係擔櫈仔打氣~ 加油! 加油!



每星期陪小齊返學校學 clarinet 時我都會見到其他高年級同學返樂團
有時行過課室又會聽到其他樂器班上堂...
呢度o既同學們音樂水平真係好高, 
之前睇校慶果隻dvd o既樂團表演更加有點嚇到我...
我就幻想唔知幾時小齊會有咁o既水準呢?!








是日靚衫:

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================