無聊翻睇前幾天的報紙，其中一則「尖沙嘴至迪士尼觀光線月底推」，頭一段如下：
天星小輪將於本月底或下月初，推出全新的尖沙嘴至迪士尼觀光航線，早上由尖沙咀碼頭出發，黃昏回程，途經貨櫃碼頭及青馬大橋等景點，來回吐票一百八十元。
不想太花時間，所以只抄了第一段，但發覺究竟係尖沙嘴還是「尖沙咀」，另外「來回吐票」的意思是指甚麼？
雖然知道犯錯難免，但係想唔到報紙如今的質素變得如此低。早已聽聞報紙已經唔再請校對，所以錯漏百出，再加上改由編輯做埋校對，咁唔錯有鬼。
有一張報紙更進一步，喜歡將編輯的名字印在頂部，以為可以高人一等提高編輯的地位，但係人都知「編輯」只是美其名，實際上係打雜一名，所做工作包括查證呀，校對呀，版面呀，跑腿呀等未能盡錄，但最有趣就係個個人真係以為自己係編輯，仲大大聲話畀人知自己懂得執相呀，打字呀，組版呀，校對呀，跑腿呀等同樣未能盡錄，每見這班人，就覺得這個世界充滿正義——但係無得救。
特區香港有這樣低的中文報紙，不要說要付出七元八塊，就算免費都無興趣睇。
============================================
感謝 MK110 提供以上資料
MK110的網誌: http://mk110.blogspot.hk/
============================================
