親子文青暴走台北之旅 DAY 1 @ 烏來老街, 璞石麗緻溫泉旅館

小齊學校上星期四開始有4日連假,
 敗家媽媽見縫插針安排左個小旅行
得我同小齊兩人好好享受溫馨親子時間...拍拖去也~






今次係我同小齊第一次兩個人去旅行
小齊而家6歲幾, 比起細個果陣已經易安排好多
起碼BB車, 枕頭果D...我已經唔駛煩
所以我地今次輕騎上陣, 拎左一個中o急就出發啦



旅行o既地點我揀左台北, 貪佢近而我又熟
得我一個大人要去D 熟悉地方先安心



未出發先o係機場行下



個零鐘頭機好快到, 小齊睇左一陣卡通, 
我就閉目養神



落機旋即唱錢, 買電話卡...
約左司機接機, 所以好順利就o黎到烏來
我地行程o既第一站



第一晚會住璞石麗緻溫泉旅館



房間夠大



有溫泉, 小齊一見已急不及待話要浸~






我就欣賞有生果同咖啡機, 
仲有零食! 都係complimentary!






小齊話餓 (因為飛機餐無乜食, 個餐得個批又真係 mun mun 地)
酒店有 complimentary 杯麵, 我同佢 share 食一個先~
今次旅行我地決定要慢~活~
所以基本上無乜 plan 行程, 飲飲食食行行企企就算
最緊要夠 hea ~ 



o係酒店休息片刻後我地去烏來老街
經過泰雅民族博物館
睇下泰雅原住民o既日常起居
我覺得幾有趣, 小齊就話驚, 
佢見到泰雅人紋面果d圖話好驚
泰雅族人的文面形式，男性是刺於前額的額紋與刺於唇下的頤紋，而女性則是刺於前額的額紋和刺於兩頰的頰紋。但是無論男女，在賽德克亞族及泰雅亞族之間的文面皆有顯著的不同，而同屬於泰雅亞族的賽考列克族群及澤敖列族群亦有顯著的差異。



既然咁驚就行下手工藝啦






跟住沿老街一路行行看看



風景ok, 有特色, 可惜是有點雨


















我地行行行到烏來台車呢邊, 
有間 cafe 正好又比我地抖抖歇歇腳









一杯 cocoa 兩份飲~












hea 完一陣再行老街, 諗住"掃街"
小齊好多o野都話唔食~ 可能太新奇接受唔到 
haha, 最後食左條山豬肉腸



晚飯時間我地搵一間人比較多o既小店, 



試試竹筒飯同小炒



咁就搞掂一餐



晚上好早返酒店敷mask , 浸溫泉, 睇電視, 
10點都唔夠就瞓啦~ 非常悠閒的一天


DAY 1完
是日靚衫: Microbe, Monnalisa, Moschino

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================