第一學段派成績表

上星期返學校見家長加領取小齊升小後第一張成績表, 
成績其實已經知道所以並不緊張, 今次返去係傾下平日表現
之前果日我問小齊: 
你估老師會同我講D咩嗱?!
比個機會你備備案...





點知佢話 "唔知喎"
我: "會唔會話你上堂傾偈呢?"
小齊: "有可能咖!"
都係等我自己見老師再問~
成績方面一早已經知道分數, 
而考卷係無得睇返, 不會公布名次, 也不會公布平均分, 
只會有 GRADING, 成績表寫咩內容其實大概係知, 
見家長只係睇下老師對佢平時o係學校表現有咩 COMMENT



見完老師話小齊上堂有時唔專心, 
會東張西望...
話佢學術無問題, 叫我唔駛擔心, 
功課都整潔是 GOOD WORK,
叫佢跟返上堂個 BIT就 OK
但話佢而家都進步左, 所以叫佢留意返
老師話佢指派左兩個女仔做"熄冷氣, 熄燈"工作, 小齊係其中一個
(居然有咁搞笑o既"職位"?!)
另外話佢做o野比較慢, 呢個我就覺得無乜所謂啦
人人性格唔同, 小齊係比較滋悠果批
佢個人安全第一嘛, 所以一向慢條斯理做事, 
我諗佢第時適合做政府工~HAHA
OVERALL GRADING 唔錯, 也有幾個優點, 第一次考試算係咁, 
最差係體育科囉, 呢個真係無得搞, 
唔知點樣令佢運動神經發達D?!

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================