[甜橙滋潤沐浴露。用後感 ]
上篇DIY既"沐浴露"~用左11日..想再分享下用後感
開頭沐浴露比較水狀~大約第5日..開始見到凝固
由於椰子油皂既關係~天氣凍..都有影響凝固效果
係老闆發現凝固呢~因為有水份..凝固後質感變gel狀
之前提住老闆泡沫唔會太多~但用起上黎..又比預期多
甜橙香味..真係好fresh好舒服~用後皮膚潔淨又不拉緊
但下次再整..會試下減少水份比例~睇下加快凝固效果
(估唔到老闆真係有用心去用，仲會同我講返點點點呢^^)
* * * * * * * * * *
今次DIY另一款..又係日日會用既"Body Butter"
每次沖完涼..抹乾身體後~待仲有水份..即時搽潤膚用品
有效鎖水補濕及滋潤皮膚~令皮膚唔會出現痕癢/乾燥情況
皮膚除左補水..其實補油都好緊要~要讓身體水份/油脂平均
皮膚自然有亮澤飽滿感~當然夏天/冬天所用既成份唔同
夏天要用較輕油感既潤膚用品~冬天就要重油一點呢
依款"Body Butter"..簡單用4種材料就攪掂
![]()
量好份量..先隔水溶解
![]()
昨日有成21度~所以唔知要等幾耐先凝固
唔駛急..最緊要快! 待涼後..再放入冰箱
唔駛10分鐘..已經見到有一半凝固了
![]()
再加入純香薰精油~隨個人喜好..我揀用薰衣草味
![]()
拌勻後..再打發
![]()
打到企身變成cream狀..攪掂!
![]()
除左之前既潤唇膏..body butter都係一個好好既小禮物
![]()
![]()
油脂會因應氣溫而變化~昨日天氣熱熱地..質感似吉士醬
但到夜晚..約十幾度氣溫~就變左娥羅納英質感
![]()
以往買用既"Body Butter"~成份比較重膏感
依款就似"牛油"~遇熱力會即溶化成油脂
![]()
油份豐富..好易吸收~昨日下午試用..天氣+皮膚唔算乾燥
感覺似夏天搽左厚身既防曬一樣~反面夜晚沖涼後試
天氣較凍+乾了點..比下午快吸收~皮膚係柔軟潤澤
咁我d皮膚其實又唔算好乾~所以夜晚再搵老闆試用
佢話好潤..表面有油份但唔算笠~但可可脂味ma ma地
我反而再細心睇睇d皮膚組織~係比以前細緻滑左
同埋..我習慣沖完涼~會用厚厚潤膚膏搽腳再穿襪
臨瞓前再厚搽一次手+腳~整晚就可以keep住滋潤
依個成份岩冬天+乾燥天氣~暖一點..再研究body cream
![]()
製作方法(約350g) :
1.乳木果脂(60ml) 2.可可脂(60ml) 3.甜杏仁油(60ml) 4.純香薰精油(20滴)
1. 乳木果脂+可可脂+甜杏仁油..隔水煮溶
2. 待涼後..放入冰箱冷藏10分鐘~至半凝固狀態
3. 加入純香薰精油..拌勻~再打發至企身cream狀..入樽即成
P.S.
1. body butter會因應氣溫而變化，夏天可能出現溶化..放雪櫃凝固即可
2. 如果皮膚唔算太乾燥，用作腳部護理都非常適合(腳部護理都好重要呢)
3. 唔用可可脂，轉用椰子油亦可
4. 搽完身體..手掌覺得太油感，可以順便搽髮尾..效果又係好好
============================================
感謝 Yanomi 提供以上資料
Yanomi的網誌: http://yanomichung.blogspot.hk//
============================================
[ 今日講咩 ]
