12月25日(星期日)~依日約左小奧+baby笠..聖誕home聚
我話假期可以早d見~encore馬拉松式友聚吹水會(yeah!)
之前聽baby笠講..話想飲茶~之後又話想食"臘腸卷"
咁美心皇宮有ma~所以前一日約好11點係酒樓等
* * * * * * * * * *
朝早8點幾起左身~me me摸摸執下屋+整定糖水
老闆用app拎定飛~10:15am出發去酒樓等檯先
我繼續加快手腳..攪掂都成10:50am先出到門口
小奧+baby笠到左啦! 真係唔好意思..我遲到囉
依日真係邪..一心諗住去食"臘腸卷"~剔左點知話無
之後唔記得..仲有樣咩野想食又無~baby笠好失望
不過依日笠話食極好似唔夠飽~可能太開心喎(開心就最好啦..哈哈)
飲完茶..繼續邊行邊傾去街市買火鍋料~之後返屋企lu
* * * * * * * * * *
返到屋企..小奧同老闆又研究淘寶~我同笠係廚房整野+傾計
佢地研究完~到我同笠研究blog setting~各有各忙咁(哈哈)
之後攪掂晒..可以4個坐埋吹水+食開心果+飲啤酒
吹到17:45~我開始入廚準備lu~笠又邊幫手邊吹水
佢一路煮湯底..一路話好肚餓~岩啦! 今次可以食多d
是日火鍋晚餐..有"四小拼"(海參,魚肚,水魷,脆鯇腩)
![]()
"廣島蠔 & 黑豚肉片"
![]()
小奧+baby笠..平時火鍋鐘意食水餃&雲吞
老闆話..見佢地唔太好海鮮~不如買"水餃&雲吞(各半打)"
![]()
"炸魚皮(x2)"
![]()
"冰菜 & 豆卜"
![]()
知小奧好怕熱氣! 所以湯底諗住整d清熱既
上次食過椰子水湯底~今次簡單整個"芫茜皮蛋湯底"
有皮蛋,茶瓜,白蘿蔔,魚肚,魚片頭,芫茜
反正點醬油..所以唔落鹽~加d胡椒粉已經好香
![]()
我地次次見面都好多野傾架~除左我同baby笠
老闆同小奧都係~講真..2個男人咁好傾~真係好開心
因為我係由blog識到baby笠~引申識埋對方另一半
最難得..老闆同小奧又好投緣變到好fd底(真係好感恩呢)
不過自從小奧同老闆fd底左之後~衰老闆就教壞左小奧
以前小奧唔會句句駁阿笠咀架~依家同老闆一樣句句頂到行
我咪笑小奧囉..小奧你真係變晒啦! 以前唔係咁架(哈哈)
佢話..可能忍得太耐(不過真心既..佢對笠真係超級細心+關愛呢)
食完火鍋..洗埋碗~我地就玩啤牌~老闆同笠成日話賭錢
一講賭錢..2個好興奮~小奧就無咩反應..但我話唔賭錢呀(哈哈)
玩到10:30食糖水~見佢地成日食"芒果椰汁黑糯米"..所以整!
前一日搵暈成個街市~有呂宋芒..不過青bb~一係就黑晒
所以買2個巨萍果芒代替(我覺得椰汁底好甜~但問佢地又話唔係..唔知點解?)
食完又繼續玩German Bridge~玩到亂晒龍..笑到眼水都標埋
玩埋最後一舖..已經1:00am~之後佢地call的士返屋企lu
聖誕節之14小時馬拉松式友聚..正式完滿結束!
多謝小奧+笠..聖誕節帶給我們開心的一天
![]()
之前叫過笠..唔好再買野上黎~飲茶見到咁大袋野
我即刻指住..話阿笠又買野~佢例牌果句..cheap野黎咋
又花心思+時間+破費又要拎~下次唔好再買啦(不過應該講完都無用..哈)
多謝晒笠笠..聖誕節收到咁大包禮物~個袋仲好靚呢(Thx so much..33)
![]()
返到屋企..老闆話笠又買咁多零食~阿笠話..唔係買比你既!
真係好多零食~我話10年都食唔晒(上次果d都仲未食晒..哈哈)
![]()
除左大禮物包..仲一人有一份禮物
我係曲奇餅..老闆係啤酒罐糖~嘩! 好鐘意個曲奇盒
阿笠真係好有心~jelly belly係有日見到..諗起送比老闆
我同老闆講..留返一月團年~先至一齊試罐糖
老闆話驚笠以為唔鐘意食唔開~我話唔會啦! 一齊食開心d
![]()
個盒真係好靚~笠話知我鐘意..為左個盒而買呢(Thx Thx Thx)
好期待下個月團年聚會~老闆淘定d籌碼..到時可以玩
仲已經講定..到時最少$既要"大。懲。罰"(小奧話要罰洗碗..哈哈)
![]()
============================================
感謝 Yanomi 提供以上資料
Yanomi的網誌: http://yanomichung.blogspot.hk//
============================================
[ 今日講咩 ]
