12月30日(Happy Friday)~上次閒日去"咖啡灣"包場BBQ
實在太正..全海景又靚~所以成日都想叫老闆..閒日再去過
不過要等佢放假先得囉~講左好耐..依日終於再去啦(勁開心)
朝早老闆出去食早餐+買燒烤食物~我係屋企收拾定行裝
等佢返黎..快手處理海鮮+菇包~跟住就即刻出發!(GO)
12:00去到..揀好檯+抹乾淨~開始放置檯布+食物+食具
![]()
老闆就開始透爐~依日頭段都正架
又係包場望海景BBQ~之後先有2檯人黎呢
![]()
老闆話要食"泰汁"..所以朝早整定~再整埋個"蒜茸"做調味料
![]()
食物方面..老闆話今次想燒多d肉類~"黑椒雞翼(x10)"
![]()
"金沙骨(x4)"
![]()
"秘製豬扒(x2)"
![]()
"玫瑰紅腸"
![]()
"蜆(1斤)"..千叮萬囑叫老闆要買食開果隻無沙蜆
佢話阿姐介紹..又話好食又話無沙(點知係有沙既)
我咪話佢囉..不聽老婆言~吃虧在眼前
![]()
"急凍大虎蝦(x4)"..平時同老闆行街市~會叫佢認住
係邊檔買d乜乜乜係最靚~朝早佢買完燒烤食物
一入屋就鬼殺咁嘈~話想揀蝦比阿姐話..嬲到爆想走
我話d蝦無得揀架! 目測夠大又靚又夠冰..就ok買得
(哈哈..笑死我! 佢真係嬲爆! 我暗笑..等你成日蝦老婆~所以報應比街市婆鬧)
![]()
依日天氣好正~凍凍地又有太陽曬下
![]()
今次食多肉..所以飲紅酒
![]()
我無食早餐..勁肚餓! 所以燒紅腸先
個火透得好靚又唔太猛+用心慢慢燒..燒得幾靚呢
![]()
![]()
每次韓燒/BBQ..老闆都特別積極+主動燒
所以真係勁難得..我可以做女皇(哈哈)
![]()
唔錯! 訓練有數..d野食好用心燒+燒得好靚(哈哈)
![]()
![]()
"大虎蝦"就等我燒~蝦頭難熟..要放猛火~蝦身快熟要用溫火
放蝦>蒜茸>蒜鹽..轉橙色就食得
![]()
"燒粟米"..前一日屋企食火鍋~買2條..留1條
份量剛好~其實想食燒番薯..不過老闆話唔食
下次我買料要買2條"番薯"..獨享!
![]()
比老闆揀.."焗菇/番薯"~佢揀左"牛油蒜茸焗金菇"
![]()
飲晒支紅酒~再去士多買"啤酒(x4)"
因為無冰桶~1次買2支..第2支用籌碼去換(包夠凍)
![]()
燒到中段..黎左8個尼泊爾人~佢地拎左好多野食+酒
我地間中都有同佢地打個招呼+笑下~佢地用機聽音樂
有時望下我地都問會唔會大聲..又問我地飲唔飲whisky
之後有個尼泊爾男仔過黎..話請我地飲野~因為佢生日
所以臨走老闆話禮貌地..再同佢祝賀一次先走呢
![]()
平時我係"青林"買野既~老闆都話d野食靚過其他BBQ舖好多
加上流量好快..食物又新鮮~所以BBQ料都叫老闆去依道買
(資料由網上提供)
我們一直以「優質產品」「信心保証」的宗旨要為顧客提供健康及高質素的食品。我們對原材料素質已有嚴謹要求, 只選用上乘材料, 絶不使用添加劑及化學材料, 每一項產品都經過長時間的精心硏發及用心調製而成, 確保產品品質安全。保持原味、天然、健康。所有在醃制燒烤食品方面, 堅守不添加防腐劑及人造色素。自置物業, 設立位於葵涌同珍工廈二樓的肉類食品加工場，並擴充加設在同珍工廈三樓丸類食物加工場。本公司持有食物製造廠環境衛生牌照/許可證號碼: 2991802577，保證食物絕對衛生。
![]()
燒左5個半鐘..17:30我地走lu~順便去集運王取件
返到屋企執好野+梳洗完~飽到晚餐都唔駛食
快手快腳..消毒左300個籌碼先
![]()
之後..老闆話同我玩啤牌~每人賭本10萬(哈哈)
![]()
話事啤, 21點, 三公, 四公除一, 仲有十三張
![]()
我玩"十三張"都幾有運~win左好多舖
原本嬴好多錢..但最後輸到$1都無(哈哈)
玩左個幾鐘..10點幾瞓覺lu(依日好玩好開心呢)
![]()
參考資料 :
青林食品 - http://www.chinglamfoods.com/index.php?route=common/home
============================================
感謝 Yanomi 提供以上資料
Yanomi的網誌: http://yanomichung.blogspot.hk//
============================================
[ 今日講咩 ]
