2016-12-30 我三個月大了﹗ （3M)

我三個月大了。

今個月最重要的事就是我領洗了。爸爸媽媽擔心我領洗時會嚇親，特登係沖涼時同我練習倒水落頭，結果我在最重要的時刻瞓左覺，神父淋水落我個頭度都無醒，嘻嘻。媽媽話我要做個愛主愛人的小孩子，愛埋奶奶得唔得？

依個月我有好多第一次，第一次做冬，食左兩次冬至飯；第一次過聖誕，參與左平安夜兒童彌撒，又食左聖誕大餐；第一次參加婚禮；仲有第一次見到表弟Gareth⋯

我可以爬著舉高頭了，自己可以周圍望真好。我現在不喜歡躺著，瞓係度太長時間會向爸爸媽媽投訴，坐係度好開心，扮企仲開心，我已急不及待要長大了！

我依家好鐘意人同我傾計，又好鐘意聽逸逸之歌，聽到就會好開心，我都鐘意玩peekaboo，覺得好刺激，但眼瞓時玩就會覺得太驚嚇了！另外，婆婆的「荔枝摘一個」我都會聽到微微笑。

最近我開始討厭奶樽，淨係鐘意埋身，但係媽媽話佢就快要番工了，點算呀？

Comments

comments

感謝 Catherine 提供以上資料

Catherine的網誌: http://www.wufamilyblog.com/~catherine/