Step into Reading! - 中文篇

舊年寫過一篇 Step into Reading! - 英文篇
一直都想寫埋中文篇, 耽擱了一段日子, 
呢篇就作個小紀錄講講小齊睇中文書o既情況





雖然我呢個 blog 比較多寫小齊睇英文書, 特別係 audio books o既情況
但我其實係幾睇重中文閱讀o既家長o黎
除左因為我自己都幾鍾意中文, 文學o既意境
亦因為我見過好多o係小朋友年幼時提供大量英文input, 
只睇/買英文書o既家庭, 
佢地o既小朋友要不放棄中文, 要不就是在捱中文, 
在英文思維建立後, 再要佢地睇中文書, 讀中文變得好難
到高小, 中學已經變得積重難返
須知中文難學難精, 我好願意為小齊o係中文方面多下點功夫


 
策略其實老生常談 -- 認字 --> 閱讀
o係之前(幼稚園期間) 我主要同小齊睇繪本
參考一 d 繪本推介, 再去圖書館借
然後讀比小齊聽
升小後, 我比較鼓勵小齊自己睇,
但當然唔會一開始就太多字啦
睇老夫子, 多啦A夢都 OK
慢慢就由佢自己睇繪本同橋樑書
有幾個系列小齊都唔會抗拒睇
好似親子天下出版o既閱讀123系列






小齊有睇屁屁超人話OK, 呢D年紀都係覺得"屎尿屁"比較吸睛~ XD
閱讀123已經有好多好多本, 睇完o既話仲有樂讀456系列
樂讀456 就比較深啦. 我諗小齊要遲幾年先睇到


小齊仲有睇故事摩天輪系列, 
我覺得用字比起閱讀123淺易一點
呢本"原來我家也很棒"小齊打書釘o係書店睇完



新近o係圖書館借就有呢本, 我都睇左, 
訊息正面, 幾啱小齊呢個細膽妹




優讀本 - 露露和菈菈系列
小齊o係圖書館發現o既







一睇就知係比呢d日式漫畫風格o既圖畫吸引啦



講烹飪都幾啱女孩子



其他仲有好好讀小學堂系列



呢本壹圓銅板流浪記諗住買o黎比小齊睇咩叫擬人法
剛剛去台灣時買o既, 都未返香港已經睇完luu~






小齊暫時算係開始左睇中文o既橋樑書, 
如果你問小齊睇書果陣有無字唔識?!梗係有啦!!
但對閱讀o既影響其實不大, 我自己睇書都會有唔識o既字咖啦!
慢慢睇就會越睇識得越多囉
雖然佢自己都係揀d 得得意意無乜深度果d...haha...
但我覺得都無所謂, 佢肯睇我會由佢睇下,
慢慢再引進一 d比較有"深度" (我覺得) 果d試試佢反應
畢竟閱讀都係一種消閒, 佢有興趣睇咩我都會鼓勵佢嘗試
希望佢享受閱讀o既樂趣同埋體會到中文o既魅力!



下次有機會再講除左睇書我仲做左d 咩幫助小齊學中文~

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================