我真係好驚睇牙醫
當牙醫同我講我隻智慧齒蛀咗嘅時候
我一啲都無諗過要剝
我一心諗住可以同佢一生一世，大家互相遷就下就可以長相廝守
雖然我係咁諗，但係我隻牙原來唔係咁諗...
有晚當我刷完牙，啷口嘅時候
一吐，連水吐咗啲嘢出嚟
我心諗，咁好？攝牙罅舊肉俾我沖咗出嚟呀～
再望真啲，咦？唔係喎，係沖咗忽牙出嚟喎（？！）
左照右照，原來上面隻智慧齒崩咗呀 （哭）
呢隻牙因為生得太入，牙骹同牙中間成日攝咗啲肉
久而久之，呢個位就蛀得特別犀利
係呢刻真係心都塞埋
點算呀點算呀，點解我啷口會啷得咁大力㗎
可唔可以時光倒流俾我痴番忽牙上去呀（T－T）
唔理唔理無得唔理，
最後死死地氣打俾醫生Book剝呀...
哎...我真係好唔想見你呀...牙醫....
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
