話咁快，又到咗剝牙嘅日子啦⋯⋯
係剝牙之前，醫生提我一定要食啲嘢先好上嚟
因為之後嗰兩三個鐘都食唔到嘢㗎啦
噢...咁呢個係未我最後的早餐呀T－T
我要重申一次
我 真 係 好 驚 睇 牙 醫 呀 ！
特別係瞓係嗰張唔知叫櫈定床嘅嘢上面
你點同我講唔好驚我都真係驚到腳都震埋
打完麻醉針，剝牙行動就正式開始
因為過度驚嚇，由我打開個口開始，我就再冇打開過對眼
聽到唔同工具係我個口度發出電鋸聲鑽牙聲
唔知過咗幾耐，終於張2隻牙剝咗落嚟
佢問我想唔想睇下隻牙
我連傷口都唔想睇，可況係隻牙呢
呢兩隻牙嘅樣，永遠留係我幻想入面就可以了...
牙剝完，但係麻醉藥未過
仲有下星期番嚟拆線
如果可以，我真係唔想再番嚟見牙醫...
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
