我4個月大了!
今個月好熱鬧呀,首先爸爸媽媽幫我搞左百日宴,慶祝我出世100日,之後食左好多餐團年飯,又去左好多地方拜年,見左好多親戚,對於多人的地方無咁驚驚,只要我食飽瞓飽的話,都好歡迎大家抱抱,不過如果我肚餓和眼瞓的話,唔好意思,我只接受到爸爸、媽媽同婆婆了。
我好鐘意玩,興奮起來會笑到咔咔聲,最喜歡的玩具是小海馬,我會攬攬同錫錫,依家手仔拎搖鈴穩陣左好多,亦會把玩一下手上的玩具。我好想自己轉身,但係暫時仲差個頭仔未夠力轉過去,反而爸爸媽媽話我試過一次趴係度自己翻轉,不過當時我都唔知發生咩事,點解會翻轉左。
我依家出街除左坐車仔之外,都會坐HIP SEAT了,可以更加方便看看這個世界真好。
暐姨姨送左一包果蓉俾我做4個月禮物,唔知媽媽幾時先俾我品嚐一下呢?
感謝 Catherine 提供以上資料
Catherine的網誌: http://www.wufamilyblog.com/~catherine/
累積瀏覽 726608
全部攻略 2152
全部回應 47