1月27日(Happy Friday。年三十)~上次同C小姐短聚
聽佢講..話好鐘意食糕類~所以早幾日..整起左3款糕
依日諗住比3款佢試下~上午佢請左假..等佢起身攪掂
約左11:00一齊出門口~咁岩baby笠搵我..話收12點
問有無地方去? 夜晚有無節目? 無就黎荃灣搵我地喎
我話好! 仲話唔好同老闆講..等佢收工返屋企比個驚喜佢
點知baby笠話..我係最後一個知~因為小奧一早打左比佢啦(oh)
* * * * * * * * * *
朝早同C小姐會合後~順便一齊行下花市+吹吹水
邊行邊吹到13:00~佢去同同事食團年飯..我就搵baby笠
原來佢好早到左荃灣~咁我都急步過去搵佢~之後四圍行陣
等埋小奧收14:00..join左再食野~食完野買埋餸..就返屋企lu
返到去..我煮定個咖喱汁先~baby笠話..想再睇返我細個d相
睇到咁上下..老闆返黎啦! 我叫小奧+笠..灘係sofa扮好攰
因為老闆要我地買啤酒~咁重..要小奧拎~諗住等佢唔好意思
點知無咩反應喎..衰到呢! 吹陣水..又開局啦(哈哈)
* * * * * * * * * *
老闆問夜晚幾點食飯..有d餓~但我地好飽..係金坊飯堂食完tea
再去食綠豆沙&紅豆沙~所以開baby笠買既脆麻花比佢食囉
![]()
依日主打玩鋤大D~老闆經過上次..我話佢唔公平一役
今次佢等玩完先同小奧講返咁咁咁~咁咪好囉..公平ma
之後小奧有舖好勁! 一家嬴..三家炒添呀(哈哈)
![]()
19:45..收局開飯! 小奧+baby笠成日怕我煮野麻煩多野整
依日主打買即食食物~我就簡單整個"咖哩雞"..伴麥法包
![]()
整定咖哩汁~臨食放半隻"貴妃雞"滾起就食得(簡易快)
![]()
好攪笑! 係超市揀左好多野落車仔~最終好多揀左又唔要
小奧全程幫我地將d食材放回原位..係超市行左好多轉(哈)
好似原本整"咖哩薯仔雞"..小奧見到"薯格"話想食
咁我話有薯格..咖哩唔駛加薯仔~費事好滯ma
![]()
交比baby笠負責..用白鑊翻熱脆身
![]()
baby笠話好想食壽司~原本揀左pizza既
咁又唔要啦..下次先買! 今次食壽司先呢
![]()
最後..仲有個"凱撒沙律"
![]()
食完飯..又開局(哈哈)
![]()
玩到中段..煎d"龍眼南棗糕"當甜品一齊食(不過煎燶左..哈哈)
玩到1:30..見小奧郁頸鬆膊(好攰)~所以叫佢地call車
返到屋企報平安..大家安心休息lu(依日玩得好開心呢)
![]()
送糕比C小姐~佢梗係唔好意思..又送返盒禮物比我
baby笠又係..上到屋企又送盒禮物~真係太客氣!
但好攪笑..咁岩大家都係黃色喎(哈哈)
![]()
baby笠個香蕉蛋糕仔..好得意! 好香蕉味..超甜
所以當早餐..用黎送齋啡~甜度中和返..岩岩好
![]()
C小姐送既朱古力..本身唔嗜甜~所以覺得都比較甜 :p
![]()
============================================
感謝 Yanomi 提供以上資料
Yanomi的網誌: http://yanomichung.blogspot.hk//
============================================
[ 今日講咩 ]
