過年前..同小奧+baby笠home聚~已經叫baby笠諗定
2月生日飯..睇下想去邊度一齊慶祝~咁岩我地講開BBQ
問BBQ當慶祝生日好唔好? 阿笠話好! 但小奧比較怕熱氣
所以想佢..想去先去~不過佢實話無所謂(因為笠想去~佢都會去架! good man)
上次行山友聚~笠特登攞半日假(雖然話半日..但我唔想佢浪費假期ma)
所以夾岩依日(例off)先BBQ~Happy Friday..分兩轉出去買野
反正老闆唔返黎食飯~我可以慢慢買完>準備定部份野先
* * * * * * * * * *
2月11日(星期六)~7:45起身..收拾屋企>準備BBQ食物+裝備
約左10:30係巴士站等..一齊坐車入去~我地去到巴士站
叫老闆問下佢地位置~我即刻check班車幾時到(嘩! 一分鐘後到)
諗定唔差太遠..我hold住架車等佢地~好在小奧遠望到我
我即刻做動作叫佢地快d~剛好會合..巴士就到啦! (YES! 勁順利)
車程好快..中途去到轉車站~老闆教佢地下次由九龍入屯門
係轉車站..轉車去咖啡灣~時間會快好多~我地11:15去到
完全未有人黎燒野食(哈哈)~揀好檯..分工開始做setting
![]()
泰汁,蜜糖,調味料..仲有牛油, 日本醬油, wasabi
![]()
除左食物..仲有飲品~啤酒+汽水+茶
可惜買唔到100Plus比小奧~另外..放2包自製冰磚
燒到接近18:00..冰磚都係溶左少少咋(又要講..果然好保冷! 哈哈)
![]()
笠同老闆都話bbq要食多肉~咁係青林買多幾款啦
最尾都食剩"雞翼, 豬扒, 金沙骨"
![]()
"番薯(x4) & 粟米(x2)"
d粟米超甜~但下次唔買lu(睇落去就知..哈)
![]()
大家都未食早餐~開爐先燒"玫瑰腸, 蝦肉腐皮卷, 墨魚丸"
![]()
頂左肚..之後燒扇貝
![]()
"蒜茸燒扇貝(x4)"~我都係鐘意先切粒再燒
![]()
朝早唔想趕出去買野~前一日買定蜆
返到屋企即刻放上冰箱~朝早先洗
![]()
平時就咁放網面燒~因為知小奧好怕熱氣
諗住部份食物用錫紙盆隔一隔..無明火燒得咁勁
![]()
"牛油香草燒蜆(1斤)"~等開口..燒多陣~見乾乾地以為ok
上檯食左隻好腥..同埋有d仲未得~加上有d又有沙
所以老闆拎去洗完~再直接放網面再燒黎食囉
下次燒蜆..都係即日買~之前即買即燒無問題
依次早一日買~聞就無變..但好腥囉
![]()
老闆欽點一定要食既.."泰式鹽燒魚"
![]()
上檯第一時間同小奧講.."唔駛驚~面層係好燶架"(哈哈)
![]()
入面有肉汁+肉質嫩滑
![]()
"黑椒牛扒(x2)"..估唔到咁大塊~切半..變成4件
買比小奧+baby笠食~老闆話一塊都夠(咁又係)
因為唔係自助夾食物~所以估唔到每片咁巨呢
![]()
燒野食我鐘意配菠蘿~酸酸甜甜..消肉膩又開胃
係Aeon買原個菠蘿~一來夠大個..抵過pack裝
二來..自己新鮮切件~感覺衛生好多
![]()
"金沙骨(x10)"..燒左3條~原來小奧同baby笠無食過
因為食ing牛扒~我地食金沙骨(下次每樣肉..每人預1件都夠lu)
老闆同小奧成日忙加炭~好大風..d炭燒得特別快
![]()
baby笠話想食豆卜+泡菜~我再加d芝士
組合成"泡菜芝士豆卜(4兩)"~燒左4粒
又留返星期日..循環再食埋佢
![]()
小奧整定支神棍~準備自拍大合照(cheers!)
![]()
阿笠話要燒"A1牛油排包"~中場就燒黎食啦(哈哈)
仲拎定d獨立包裝糖.."牛油砂糖燒排包"
食剩半pack~星期日同老闆當下午茶清埋佢 :p
![]()
燒到咁上下..已經聞到陣陣好香番薯味
好快已經熟~4大個食晒..我食左2個(超正)
![]()
食到咁上下..開始多人黎燒烤~對面尼泊爾人..起爐好勁
一次倒晒成包炭~之後圍到成個圍城..再搭到個陣好高
我地4個係咁昅~小奧同baby笠仲越走越埋..直頭去8卦(哈哈)
![]()
"咖哩燒汁粉絲魷魚"
味道幾好! 不過重手左..d粉絲吸晒味(鹹)
![]()
笠話要食"燒番茄(x2)"..另外老闆燒緊"豬展骨(x3)"
對面個爐warm up緊~之後加高2層磚再放網
個火超大~個網要升到好高..先開始燒
![]()
![]()
baby笠欽點"多春魚"~堅難燒..有2條燶左唔要得
依條算係最完整(哈哈)~加上d"多春魚"好多畸型+瘦猛猛
我一路燒..小奧就話鬼baby笠要食多春魚乜乜乜(哈哈哈)
原本最尾3條好靚架~老闆無啦啦插手..無耐性又粗魯
最終d多春魚比佢分晒碎屍(慘! 哈哈)
![]()
有我最愛.."蒜茸燒大虎蝦"
![]()
![]()
頂唔順..開始要食蔬菜~"粟一燒(x2)"..2條分成4段
但有3段燒燶半邊(哈哈)..所以大家都話下次唔燒
![]()
得依段燒得最靚~d粟米真係超清甜
![]()
"香草蒜片牛油燒大啡菇"
![]()
"香草蒜片牛油焗金菇"
![]()
飽啦! 我就呆住坐..笠話佢燒野食
小奧同老闆就傾計(好開心佢地真係好好傾呢)
![]()
我個blog叫"用心過生活"ma~平時笠最鐘意植入式廣告
乜都會講"用心乜乜乜"~依日我話佢燒d雞翼好靚好有心機
佢就話.."用心燒雞翼"(哈哈..笑死我)
![]()
果然.."用心燒雞翼"~真係燒得勁靚(以後你負責燒啦)
青林d豬扒都好好味
![]()
11:15去到..燒到睇埋日落~差不多18:00先走
玩既時間真係過得特別快~大家都燒得好開心
![]()
仲有下場!! baby笠成日掛住BBQ完 > 屋企開局
我話早燒早走..賭返兩手(哈哈)~不過回程我同笠落車先
我想買蛋糕同佢慶祝生日~咁老闆同小奧直接返屋企
其實都好快! 我地返到屋企..佢地仲收拾緊野
買蛋糕果陣~笠話過隔離"日本城"睇下有無"魚蝦蟹"
佢話搵左幾間都無~估唔到荃灣有..仲要最後一盒
問埋小奧+老闆玩唔玩..OK! 即買! 玩左陣魚蝦蟹
又轉玩下大細~baby笠勁好運..老闆/小奧打莊
分別比佢中"圍五"~每次中左都興奮到尖叫(哈哈)
佢話..到我打莊都要中埋"圍五"(sorry! 無咁既機會囉! 嘩哈)
![]()
玩到22:00食蛋糕~其實搵左幾日mini cake..不過唔岩心水
加上男士又唔好cake~最終問問笠..不如買幾款一齊食
可以試幾款又唔太多~最終係Crostini買4件當生日蛋糕
提早同笠慶祝生日(預祝笠生日快樂! 最緊要日日開心..身體健康呀! 33)
![]()
食完蛋糕又開局~大細真係賭運..小奧依晚運氣最ma ma
老闆/小奧/我分別都打過莊~baby笠就點都唔肯打莊(哈哈)
賭局真係似人生~變幻莫測..大上大落..峰迴路轉
好似我咁..原本賭到得返幾千蚊~諗住最尾盡地一舖
反而嬴返十幾萬~所以真係未到最後..都唔會知結果
簡直係先死而後生既感覺~賭局原來都可以有領悟(歪理! 哈哈)
依晚叫小奧+baby笠唔好咁夜走~因為之前玩得太夜
影響佢地星期日..攰到冇返教會~所以23:30就call車
返到屋企報埋平安~大家都早d休息lu
開開心心..又渡過左一個星期六呢^^
![]()
============================================
感謝 Yanomi 提供以上資料
Yanomi的網誌: http://yanomichung.blogspot.hk//
============================================
[ 今日講咩 ]
