2016 X'MAS 石垣島放空之旅 DAY 3 @ ホテルニラカナイ西表島

呢個遊記又攤到凍晒, 
記憶又開始模糊啦
但都係想繼續寫, 
因為寫BLOG幾年以o黎我發現都係睇返d 遊記最開心
耐唔耐click 返d 相o黎睇下回味下, 心情都舒暢d~
o黎到第3日卒之掂到水啦!





第3日我地會離開石垣本島坐船去其他小島玩
一早都咁打算所以book o既酒店都好近碼頭
石垣附近有好多小島
西表島, 竹富島, 小濱島, 黑島, 鳩間島, 新城島, 由布島, 波照間島, 與那國島
仲有其他無人島...
我地今次打算去其中幾個有人島
未夠鐘上船我地行行街先



女仔果然係貪靚, 小齊試保養品



又拎棉花又剩...



我地買左下午船飛, o係石桓碼頭附近食埋lunch先









我地去o既目的地係西表島, 算係比較大o既
島上主要有兩個碼頭, 上原港同太原港
我地會去上原港 (因為近酒店)






一到上原碼頭已經有酒店接送, 
所以一d 難度都無就o黎到酒店啦
呢兩晚都會住同一間酒店
ホテルニラカナイ西表島



呢間酒店我都唔記得左點解要揀佢, 
應該又係look look 下睇相覺得ok 就book
o黎到酒店之後基本上我地無乜o野行程, 
就o係酒店 hea 下









酒店房一般, 簡樸風, 地方算不錯, 
有個露天o既角落抖抖氣















放下行李我地出返front desk 睇下有咩活動, 
仲要安排第2日玩咩? 
冬天黎其實真係唔知玩咩!
爬山同獨木舟呢d都唔啱帶埋小齊玩
本來想出海釣魚點知問左兩間公司都話第2日唔出海
咁我地唯有book 架車自駕遊啦



酒店呢度有好多local tour可以幫客人安排






一出 front desk 就係泳池



小齊話試試水溫先, 我覺得太凍唔啱游水 (雖然有人游緊)
但你知有種凍叫"媽媽覺得凍", 所以我地都係無游到



酒店呢度有個沙灘, 是私人的嗎? 唔覺有其他路入o黎
anyway, 呢個沙灘好正
水清沙幼~









連小齊都話d 沙唔拮腳~



仲有d 蟹仔行o黎行去






太好啦, 可以同陽光玩遊戲啦



小齊同d 海浪玩捉伊因, 
其實去旅行我有一大部份就係為左影阿女
呢輯相我會成日拎o黎睇佢個傻樣






























玩到尾兩父女居然話要落海捉魚
成身濕晒~ 好彩我旅行無o野多,
係衫多, 玩濕仲都唔怕
 (況且酒店都有 laundry room, 我都有利用, 浸左海水唔洗會好臭)



最後當然捉唔到魚, 我地玩到日落先走, 
返房沖涼後去食酒店自助餐, 
咁又hea左一日啦~







第三日行程完

其他石垣之旅文章:
2016 X'MAS 石垣島放空之旅 DAY 1 @ きたうち牧場, ミルミル本舗, 公設市場
2016 X'MAS 石垣島放空之旅 DAY 2 @ 玉取崎展望台, 平久保崎燈塔, 川平灣, 御神崎

是日靚衫:

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================