2月28日(星期二)~前一日..媽咪打黎又話電話有問題
平時遙距教佢咁咁咁整..就OK! 佢又話驚整完無晒d野
我話..唔駛驚! 無晒再裝過無問題架~之後..見佢無出聲
我先諗起..佢上星期同我講過~想我去旅行前再見見面
咁我估其一係想見我一面先出發~其次係整電話囉
我見佢無出聲就話~好啦! 同你地食lunch+睇下部手機
媽咪知我出發前..真係好多攪又要預備~開頭話唔好既
之後我話..得啦! 我攪得掂! 咁佢話好! 依日約定地鐵等
因為爸爸想食pizza~所以同佢地去Pizza Hut食lunch
講開Pizza Hut..完全係童年回憶~果時每個星期假期
媽咪會同我地去食架~普遍唔係M記..就係Pizza Hut
仲同家姐次次都每人一杯"彩虹仙子"(所以大個依然最鐘意食pizza囉)
雖然人大左..pizza選擇好多~但爸媽永遠都覺得佢係最好味
加上真係好難得~我成日想同老闆試"芝士七重奏"(佢都no)
最終可以同爸媽一齊食~其實真係都好開心呢^^
* * * * * * * * * *
食完趕住返屋企..因為好耐無見妹妹啦! 勁掛住佢
依日返去..好俾面呀~出黎活動! 可能真係太掛住佢
有時夜晚呢..我會諗住妹妹~心想..小主人真係好掛住佢
希望返黎既時候~妹妹會出黎hea玩下~果然真係work喎
依日佢好放鬆..可能係被竇聽到我同佢講果番說話(哈哈)
一打開張被~就係咁打呵欠! 我知..你好眼瞓ma(哈哈)
![]()
之後..呆呆滯滯
![]()
其實仲想瞓架~不過聽我講左一大段..肺腑之言
![]()
抵受唔住音波功~於是出黎曬太陽囉(哈哈)
![]()
全程好放鬆喎~我有我影相..佢有佢lam毛
![]()
![]()
![]()
![]()
![]()
![]()
食下手指先
![]()
![]()
好滋味(哈哈)
![]()
無啦啦飛機耳
![]()
Yo! 食完右手..食左手
![]()
Yummy..Yummy
![]()
食晒d手指..又聞下隻腳仔先(媽媽幫我沖完涼..好香啊!)
![]()
小主人鐘意食"泰式鳳爪"~我就話"原味貓爪"仲好味
![]()
正到呢(哈哈)
![]()
依日太失儀態~擺返個S pose+側面先
![]()
妹妹食開既糧斷賣..媽咪幫佢轉左另一款糧
之前又同C小姐傾開貓經~叫佢介紹隻貓糧比我
咁岩上星期聽媽咪話~佢食左新糧肥左好多
平時一包糧食2個月..依家一個月清晒
所以想幫佢轉糧~平日媽咪會掃佢個貓腩話佢肥
爸爸話昨晚先又話完妹妹~叫佢唔好食咁多..太肥啦
佢話唔知係咪真係識聽~昨晚到今早都剩左好多糧
我話陰功貓豬..食唔飽仲肥左咁多~真係要快d轉糧啦(哈哈)
![]()
妹妹都知架~因為依家跳唔到上電視檯
身型仲大隻過松鼠狗~真係要努力減肥呢^^
![]()
============================================
感謝 Yanomi 提供以上資料
Yanomi的網誌: http://yanomichung.blogspot.hk//
============================================
[ 今日講咩 ]
