考試完了,
第三學段已經靜悄悄地開始左,
趁記得寫低第二學段o既事情先~
![]()
聖誕節果陣學校安排左小一家長返去睇小朋友表演,
已經另文分享,
小學第一個 X'MAS PARTY
不贅
果次我問佢邊d 係你好朋友?
佢話只有普通朋友, 無好朋友
我問點解? 佢話無時間識人
小息佢用o黎食o野, 其他時間又唔傾得計
我話 lunch呢? 佢話都無乜時間...
我諗小齊心目中o既好朋友係好似幼稚園咁,
要約出o黎玩果d先係
小學生活比較忙碌, 我地都無乜時間約小學同學出o黎玩
所以我只有叫佢爭取下小息時間同同學仔玩下
近排見佢有同同學仔交換小禮物, 貼紙果d, 唔知算唔算好左?!
今個學段我嘗試放手比小齊自己執書包,
雖然有D 甩漏, 唔記得拎呢樣果樣...
佢仲寫低左返o黎比返我睇
![]()
成長必經階段, 下次自己上心D啦!
學業方面, 剛完成了第二學段考試,
考試時, 我都有同小齊溫下書咖,
不過唔算花左好多時間, 小齊都係細,
佢每日抽到 2個鐘左右溫都算好咖啦~
而且期間又會行o黎行去搵o野食呀, 去廁所呀...
呢兩日會對卷, 到時就會知成績
我諗佢算中規中矩啦
優點比第一學段少左, 今次無左服務優點啦
不過小齊早兩日又好開心講話做左行長 (佢想做好耐)
卒之恨到啦, 佢話恨做行長多過班長喎
睇o黎佢真係好鍾意收功課!
小齊有時話自己XXX 做得好就會收到老師小禮物, 零食
(零食通常已經比佢食左)
![]()
![]()
單簧管小齊無乜時間練, 對於話 4月要考樂團一事小齊也不是十分上心
除左上堂果陣佢都好少拎起支管
幾時都話藝術o既o野無得迫,
我而家都唯有順其自然啦~
![]()
上堂o既時候都算比心機o既, 如果肯練習就更好囉~
![]()
反而畫畫小齊就比較有興趣,
成日都會拎紙出o黎畫畫畫,
自修堂也會畫d唔知咩返o黎~
今個學段佢V.A. 居然有 92.5 平均分, 我覺得係超高
(特別係我睇完佢D 作品之後)
睇o黎藝術o既o野...
![]()
呢條媽媽的漂亮裙子咁有 missoni 風o既?! Haha~
![]()
X'mas 時有個 book report competition,
要做一個同 X'mas 有關o既書o既閱讀報告
小齊呢...就係唔 last minute 唔做果隻,
我好心拎左本書去石垣旅行諗住比佢睇, 點知原封不動無郁過
返o黎已經無乜時間只好揀一d之前睇過o既書做報告,
仲要最後一晚我又幫手先趕得起 ~
小齊有日返o黎同我講佢個 report 貼左出o黎,
我都好 surprise! 居然?!
所以有次返學校上堂我去左影相,
所言非虛喎~
![]()
雖然 grammar有錯, 畫功也... 但小齊都有比心機o既,
得到老師鼓勵佢都好開心!
上星期仲拎埋獎品返o黎
獲得圖書一本作獎品!
![]()
學校真係好鼓勵閱讀, 希望小齊都會受薰陶成為愛書人~
第二學段功課仍是十分輕鬆, 好多時o係學校都已經做好晒
小齊返屋企可以瞓晏覺, 食 tea, 睇電視...
仲有在媽媽要求下會溫下默書, spelling 咁囉
暫時未 feel 到咩壓力, 我也要求不高,
小齊話返學開心, 成績又過得去就算啦~
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
