7 瀛·真……吃

今天繼續自助餐分享?這天有幸獲邀到帝京酒店花月庭參與瀛真自助晚餐 傳媒試食會飽嚐東瀛?美食。

這天餐廳佈置得充滿日式風情，四處也見到櫻花?的蹤影感覺十分清新。

花月庭的認真自助晚餐供應期到4月30日，星期日至四成人＄618／小童＄408／長者＄468，星期五六日都係加數十元便可吃足五小時，如果你覺得自己兩個半鐘頭係夠食的話仲可以用更優惠的價錢吃到詳情按此。

事不宜遲就等我話比大家知如何吃出要瀛就要串得起吧！先介紹當然係日式美食，明太子烏冬看見都流口水呀?大家可任意加上蟹柳，蛋絲來配襯。

論日式美食刺身當然係不能少了它那份兒，今日有三文魚?，鯛魚，八爪魚?等新鮮刺身等待我們享用。

小點心還有日式凍豆腐小小一口不會太佔胃都挺不錯！

而日本爐端燒亦是這次自助餐的主角之一啊~

煙肉蕃茄串?大家都知道有多Juicy啦！相信陳大盜最為清楚明自哈哈！

另外還有香燒M5和牛?，鹽燒車海老?，睇見都流口水呀！另外還有燒銀杏，大蔥雞串，燒雞翼以及燒珍寶蠔和七味燒三文魚鰭，全部都香口惹味話之一口痱滋啦?！

怕熱氣吃冷盤吧！煙三文魚，雜錦凍肉，流心玉子都係唔錯嘅選擇呢。

另外凍海鮮絕對係自助餐另一主角，今天有龍蝦鉗，青口，松葉蟹腳以及凍蝦，還有即開生蠔啱曬我呢個蠔癡喔！。

另生果區都十分澎湃有新鮮提子?，西瓜?，菠蘿?，蜜瓜，哈密瓜?以及火龍果，全部都已經切粒方便客人食用。

講咗咁多凍冰冰食物，係時候講番D熱辣辣美食，呢個檔口擺滿新鮮的海鮮原來係一個海鮮麵食檔來。

內裏會有兩款湯底包括南瓜粟米雞湯??，以及下龍灣海鮮湯???，客人只要選擇自己喜歡的海鮮甚至乎係粉麵菜，之後就可以交給師傅烹煮，揀啱自己喜歡的湯底就會好快奉上一碗熱辣辣的海鮮湯麵。

而湯品方便有海王鴨絲羹及蘑菇忌廉湯。

另外還有惹味的咖哩配襯薄餅脆片絕對係不能不吃的美食噢?！

這個陳皮話梅醉香骨如果唔食係你哋嘅損失，真係又香又淋又好吃?。

好辣的車媽媽當然不能放過辣酒煮花螺啦！

香蔥煙肉焗薯蓉小小的一杯都應該唔會好飽肚啩?。

呢個好特別叫做米蘭式煎黑豚肉唔知味道又如何呢？

另外還有韓式燴牛肋條喜歡吃牛嘅朋友都可以一試呀！

仲有即場片的北京填鴨，味道確實係不錯的。

但係最重要就係呢個海南雞飯?，花月庭的海南雞飯在香港我覺得算係數一數二的質素。

另外還有即煮黑松露龍蝦意大利飯。

美味嘅燒肉眼以及燒豬肋骨都是美味之選。

終於輪到甜品區了今天的甜品真的豐富到不行，先有糕點芝麻糕，班蘭千層糕以及芒果西米千層糕。

即製 pancake而且每晚七點半至九點半還有火焰雪山供應喔！

此外還有各式各樣蛋糕，芒果拿破崙，泡芙和Cupcake?。

不過講道最吸睛當然係日式的精美甜點啦！

看這個櫻花水信玄餅多動盪誘惑。

喂喂餵呢個唔係三文魚刺身嚟㗎！呢個係用血橙加上牛奶製成的果凍甜品真係好過癮呀。

另一邊廂的甜品亦都係十分有特色呢！

和三文魚果凍有異曲同工之妙的吞拿魚刺身，用上紅桑子來炮製的我覺得這款比三文魚更加像真。

另外這個宇治抹茶紅豆卷蛋味道十分好幽香好吃。

沾滿靚靚朱古力的士多啤梨?，希望今次士多啤梨神偷唔好再出動啦?！

酒店真係好明白我們一眾相機食先的朋友，見到呢一個相機先食真係好親切呢。

介紹完豐富的美食先，試食會亦正式開始，先為我們送上一杯Welcome Drink?橙橙紅紅酸酸的味道都幾開胃呀。

借助好友J小姐的一臂之力介紹今天我們這個Event。

席間還有一杯好清新的羽衣甘藍特飲給我們嘗試，這一刻想起未能同行的清麗村姑?。

當我們開始食取食物的時候，原來化妝品牌benefit的同事們已經準備為我們示範 一個東瀛味的化妝示範?，而且這個品牌還會配合獅子樓 Lion Rock在4月推出新的Tea Set。

看見化妝師示範後我心癢不止，因為本身已經係benefit胭脂粉絲的我見到新出這兩款產品已被燒著，不過陰影及光影粉要等到5月先開賣喔！

看完美妝示範到我們一班院友瘋狂的開餐啦Yeah~

凍海鮮我最愛一定係龍蝦鉗同埋松葉蟹腳，新鮮好味不须講只管吃。

生蠔看上去都幾肥美吃下有鮮味，不過我就覺得質感太Creamy唔係好啱我口味！

刺身都好色彩鮮豔不過今日太多嘢食冇試到呀！

這個下龍灣海鮮湯配上數款新鮮的海鮮絕對係美味之選，大家別錯過這湯喔！

另外還有這個花甲蝦蒸海鮮，重點落在個湯處鮮甜到不得了?。

當然唔少得我最愛的海南雞飯，皮香肉嫩雖然係會好飽不過我最後食咗兩碗咁多哈哈哈.........

北京填鴨味道都唔錯㗎！個個醬都好濃味大家下少一點呀！

還有這個芝士焗龍蝦，芝士都挺香口，而且龍蝦啖啖肉喜歡這感覺的朋友應該會好滿足。

而咖哩則香口而且頗具辣度，喜歡吃辣的朋友也不容錯過?！

爐端燒的食物係這天的重點，醬燒帆立貝夠香口，另外鹽燒雞翼也皮脆肉香，質素十分不俗呢。

吃了那麼多肉食真係要整碟生果清新一下先，我當然吃了很多我最愛的菠蘿啦?。

呢個時候帝京餅店的師傅隨之推出一個超級巨碗刺身丼出嚟?！咦睇真D好似唔係刺身丼嚟喎！原來整個都係蛋糕啊~我簡直覺得這兒的餅廚係天才，怎能這麼有心思諗到這樣的蛋糕呀?！

而且今天好開心我哋可以自己親手做一個海鮮丼蛋糕回家呢?。

這個便是我的製成品，大家覺得我整得靚唔靚呀?？

而且還附設日式便當的包裹方法給我們真係十分可愛呢！這一刻我諗起忍者小靈精呀?。

坦白講到甜品時候車媽媽的胃已經無能為力喇！這天真的爆滿足呢。