香港好山好水 - 長洲

呢個星期六小齊唔駛上樂器班,
偷得半日閒我地就約埋成村人去長洲玩!
我自己都好耐好耐無去長洲啦





細個果陣邊有得出埠旅行, 
一年一次暑期去長洲, 梅窩玩返兩日一夜已經開心到飛起
講緊成個家族廿幾人去玩, 
成班老表玩到唔願瞓, 夜晚講鬼故探險...
堅係童年回憶!



由於我自己都好耐無去長洲, 好多o野都唔知
乜原來而家興大魚旦?!
失敬~失敬~



小齊都試左



仲有薯片, 芒果糯米糍



見到呢 D 懷舊 FEEL o既士多



孖條! 我細個成日食提子味, 但而家無左...
呢隻西瓜味, 我覺得唔好食



我地行下, 踩下車又坐低食下午茶



傳說中的五行石嗎?



究竟呢條路能唔能夠通往五行石呢?



一路行到去張保仔洞果邊
張保仔洞又係一大童年回憶, 
我廿幾年前行過一次
果時條路旁邊係無欄杆咖!! 好驚險!!
洞裡面又濕滑又黑媽媽真係有d 陰深



今次帶小齊行
小齊開頭死都話唔入, 
後尾見我地個個都入佢被迫同我地一齊



小齊步步為營



洞內 selfie!



我地租左幾架車踩, 
你睇小齊嘆到呢
當我馬車咁, 叫我"快d, 快d"









我呢d老骨頭呢日踩完之後夜晚個膝頭仿佛唔係自己o既咁, 
酸痛到呢...
睇o黎我真係太少運動啦



三老表由頭玩到尾, 開心到不得了, 
話長洲好好玩, 下次要再去!







是日靚衫: John Galliano, Armani Junior

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================