MX：我的星期六美孚早餐 ~ 舊店新鋪

原鋪位間「美心MX」變成美心嘅茶記「香港地」，仲以為佢哋會索性執咗間美心，原本同步已搬去之前阿信屋個鋪位改頭換面繼續經營，自不然順便連店名都正名為「MX」，但點改都當佢哋美心快餐。對象都喺街坊客，雖然個鋪位躥埋一角，但大家都識走過嚟搵食。


新裝修當然有一番新景象，勢要擺脫舊有快餐店嘅感覺，所以，食物款式都唔喺舊有嘅掛膠牌，全電子屏幕，醒目靚仔。更加設電子自助服務，不過，依區其實老人家佔多，目測所見用嘅人唔多，寧願排番大隊。

環境就如以前一樣咁逼，始終都喺家快餐店，但裝修確喺見到花過心思，紙皮石地磚配柚木地板，白磚牆配深色木牆身，設置光猛射燈，光暗對比分明，型格醒神。





此外，餐具及調味品都集中晌晒一個專櫃之內，自由取用，減省員工工作量。

我選擇龍蝦濃湯螺絲粉系列（$28），有4款：可以配炒滑蛋、火眼+烚蛋、火眼+煎蛋、火眼+腸仔，配薯餅、跟餐飲，好夠食；老婆則選擇脆嫩魚柳系列（29.5），有2款：炒滑蛋、火眼，配粗麥多士、跟餐飲，可選豆漿，而粗麥多士可揀牛油 / 煉奶 / 花生醬 / 果醬，如果唔講，設定喺會俾牛油。



K2. 龍蝦濃湯腸片螺絲粉、火眼·烚蛋 $28 個龍蝦湯當然無出面高級西餐廳嗰啲龍蝦湯咁濃，但算飲落確有不俗嘅蝦味，稀杰度又OK，配螺絲粉都幾好食，更難得啲腸片唔喺普通貨嘅雞肉腸，而喺啲豬肉腸；老婆好鍾意食烚蛋，所以，由佢處決，但件薯餅唔掂，炸得好油，跟下面件脆嫩魚柳喺兩回事。









H1. 脆嫩魚柳、炒滑蛋 $29.5 雖然心知啲魚柳都喺雪藏貨，但炸出嚟嘅效果算唔錯，真喺做到又脆又嫩，當然魚味一般啦；炒蛋唔差喎，真喺幾滑，仲帶少少蛋漿，而件粗麥多士烘得香脆，所以，後尾加埋我份早餐嘅火腿夾起為腿蛋多，頗好食。









即磨咖啡、熱豆漿 前者以香醇為主，即磨始終比搵粉開沖嘅香好多，但口感點都唔及鮮奶咖啡一類綿密細滑；後者豆香味一般，不過，喺少甜嘅版本，啱晒我老婆。

MX近排少幫襯咗，多少因為近來唔多見佢晌報紙刊登優惠印花，我等師奶仔心態就梗喺慳得一蚊得一蚊。不過，因為見佢搬新店，又出咗龍蝦濃湯螺絲粉新嘢，就趁星期六落嚟食個早餐。
個人評分
味道：7/10
環境：7/10
服務：6/10
抵食：8/10
平均每人消費：HK$28
餐廳資料：
MX
美孚美孚新邨第七期萬事達廣場地下N50A號舖
2371 2701

=============================================

感謝 山區麵包王 提供以上資料

山區麵包王的網誌: http://garycwm.blogspot.hk/

=============================================