3月25日(星期六)..2月尾home聚~Baby笠已經約定
等我地去完斐濟..3月再BBQ~原本佢想上星期六(18/3)燒
不過老闆d感冒+咳..仲未完全好返晒~所以唔燒得住
依個星期見好返好多~暫定依日去燒..不過要睇埋天氣
通知左baby笠之後..佢第一時間請假~前一日唔敢買定野
只係買定d飲品+蔬果類+麵包+炭..就算燒唔成都用得著
我地會進行Plan B~飲茶>買餸>開局>屋企打邊爐
* * * * * * * * * *
7:30am起身..見有太陽~快手收拾屋企+準備生果盤&用品
10:00同老闆去買燒烤食物~買完..再返屋企處理海鮮先
老闆叫小奧+baby笠先上黎屋企~再call van一齊去咖啡灣
佢地上到黎我仲執緊食物~心急得滯..漏左5支飲品無拎
好在今次買到100 plus比小奧~咁直接燒..就唔怕熱氣啦(哈哈)
攪掂坐van入去~去到得一檯客咋..我地又可以揀靚位(超正)
今次份量比上次預少好多~剛好食得晒..係剩左少少菜呢
![]()
前一日準備定泰汁+調味料~仲帶定牛油,日本醬油,芥末
![]()
之前大家都分別上youtube睇ed~最快開爐教學
依日小奧同老闆一齊搭爐~之後開火都唔駛5分鐘..攪掂!
![]()
上次太多肉~今次大家都話要食返多d蔬菜
![]()
麵包唔少得~預備平時食開既"芝麻包"比笠試下
![]()
之前BBQ..d袋+外套太隨意放~所以係淘寶買個儲物盒
可以整齊收納之外~d袋唔駛外露..又無咁易比人偷
同埋放入盒又無左陣燒烤味呢
![]()
超勁肚餓! 第一時間燒玫瑰腸+蝦卷
![]()
個火好靚~今次唔買粟米..淨係燒番薯
![]()
無食早餐..超餓! 影完相..我唔客氣啦!(哈哈)
![]()
大家都鐘意食玫瑰腸~蝦卷都好味
下次唔買蝦卷..又可以轉買燒賣
![]()
即然大家都話想食多d蔬果~咁買原個菠蘿,紅肉橙,小青瓜
朝早整個"生果盤"~甜甜地又可以中和下肉膩感
![]()
今次海鮮同樣有"蒜蓉燒扇貝"(哈哈! 好似豬鼻)
![]()
老闆話唔好次次食大蝦..今次食"蒜蓉燒象拔蚌"
![]()
老闆指定要食"燒蜆"
![]()
唔少得"泰式香茅燒魚"~一上檯嚇死小奧
我話唔駛驚..入面唔會燶架(哈哈)
![]()
![]()
屋企儲備有蠔.."蒜片牛油焗廣島蠔"
![]()
今次肉類預少好多.."豬扒(x2)"
阿笠燒得好靚~ 咁以後佢負責燒豬扒+雞翼(哈哈)
![]()
"牛仔骨(x1)"..小奧同笠share
![]()
"雞翼(x6)"
![]()
小奧負責燒"芝麻包"..加牛油&蜜糖~好有心機燒..好靚呢
![]()
"燒毛茄"..我同笠都覺得好食
老闆本身唔like..一路食又話咁又咁
![]()
"日本南瓜"..燒得透果d好粉糯
有d厚邊位燒得唔夠..就生生地囉
![]()
"燒番薯(x3)"
![]()
"燒汁吊桶仔"
![]()
燒緊果陣..隔離有人話燒鹹魚(哈哈)~之後佢d fd話燒魷魚呀
加左燒汁都幾香..下次想試下用沙嗲醬
![]()
"蒜片焗日本椰菜"..真係太飽! 食唔晒!
![]()
依日阿笠幫手燒左好多野食呀
![]()
大家輪住負責燒下野食~我好多時間..等食
![]()
![]()
之前個儲物盒+冰箱放地下邊位~可能擋左牆身d風
後面出現過百隻螞蟻路(勁恐怖)~好在無走入儲物盒咋
之後即刻搬位~過左陣..堆螞蟻就散晒
依日天氣少凍+天陰陰~好在落左陣毛毛雨
無影響燒野食~反而走果陣又落雨+凍
燒到5點幾..又call van返屋企繼續下半場
![]()
大家都仲好飽~晚餐完全無食慾..hea陣又開局
依日勁呀! 我買點數成日都中~大家打完一次莊
就轉玩鋤大D~玩到10:30老闆食左藥..應該好攰
話玩多5舖就收局~小奧同笠call車..無送佢地走呀
老闆話..等佢地習慣自己上來~自己走喎(哈哈)
![]()
============================================
感謝 Yanomi 提供以上資料
Yanomi的網誌: http://yanomichung.blogspot.hk//
============================================
[ 今日講咩 ]
