3月1日 - 3月11日 (斐濟自駕遊11天之旅)
今個旅程..係外島渡假~可以有閒情影下日落
一起看海看日落~斐濟日落..真係超美!
![]()
老實講..今次斐濟遊~其實一路做research既時候
越做就越無驚喜+期待~計劃外島遊既心情會比較好
因為外島環境靚+水域清透~靜靜享受幾日..真係好唔錯
![]()
離開外島..返回Nadi繼續行程~早早比定心理準備老闆
估唔到..會令佢既失望程度~可以用"天與地"黎形容
其實都未嚐唔係好事~等佢知道..被電視節目過份包裝
看過真實一面..總算係一種經歷
![]()
Nadi Town..第一日已經遇到網評所講既人/事
完完全全同佢地經歷一樣~可幸..事後再提老闆
總之..只要唔好隨便搭訕~自然就唔會出事~但...
到底係老闆本身份人好熱情..定我本身習慣冷漠
離開Sigatoka Sand Dunes~去Intercontinental途中又出事
![]()
事源..我地搵到個大沙泥地~等老闆影下架車
鄉郊公路..無乜車來車往(好少車)~我影緊相既同時
有架車經過..停低叫我地~老闆好自然又bula bula(激死)
聽到佢問老闆邊樹黎? 老闆答完之後..我無留意再傾咩
幾秒間..老闆突然好似清醒起來~叫我即刻上車
我問咩事? 見個司機又唔肯走~因為公路都幾荒蕪又無人
唔可以比佢跟我地返酒店~加上公路出事..真係叫天不應
咁叫佢開車..直接去Intercontinental避一避搵人幫手
![]()
架車跟住我地尾..仲高速跟得好貼~老闆要揸好快
行左幾分鐘..見到Intercontinental牌~即刻高速轉入去
點知條友仲跟住~去到保安閘口..保安問係咪check in
我諗住呃左入去先~就話Yes! 點知同一時間老闆答No!
咁我話入去dinner~保安問有無booking..我話Yes! 老闆又No!
![]()
最終保安唔比入..叫我地離開~後面架車..都被保安叫離開
我地即時轉一圈..再去返保安入口~但見架車仲未肯走
即刻同保安講~唔識佢..但跟住我地~之後保安叫架車離開
事後先同保安講成件事~最攪笑..佢問我地仲食唔食dinner
我地唔食啦! 純粹想fing甩果架車~之後係酒店outside
停左差不多10分鐘~起碼等果架車走遠d..先安心走囉
大家都真係好驚! 追住我地果陣..個心真係跳出黎咁滯
(事後話老闆啦~Bula Bula! 我話再比我聽到..佢同人bula就知味道! 佢仲掛住笑喎)
![]()
係我角度黎講..唔好以為"遊客"去人地國家就好有優勢
+d人會對你好好~反而"遊客"會係當地不法份子既目標
因為遊客根本唔認得佢地d樣~出事都幾難跟囉(仲要嚇餐死)
![]()
而斐濟係我心目中~除左遊客區..人民生活其實好窮
係超市門口/Nadi Town都見行乞+唔少人叫你donation
佢地又鐘意拍人架車窗兜售~租車本身又印有logo
遊客身份已經完全暴露~所以一上車就要即刻lock門
遊客區..就純粹做遊客生意~對遊客既面口都特別唔同
![]()
Anyway..今次斐濟遊都有唔少得著~讓我地認識多一個地方
認識到當地文化及生活~欣賞到美麗既外島呢
![]()
(待續)
============================================
感謝 Yanomi 提供以上資料
Yanomi的網誌: http://yanomichung.blogspot.hk//
============================================
[ 今日講咩 ]
