0

走得快的戰友

小地勤點滴 於 2017-04-23 10:31:55 發表  |  累積瀏覽 465

分類:

23.04.2017


還有不到 1 個月 , 我就在貴賓室工作了 5 年 ; 還有不到 2 個月 , 我就在花花航空工作了 6 年 . 時間都是一眨眼地過去 . 回想這幾年 , 有開心的 , 有辛酸的 , 有憤憤不平的 , 有無能為力的 ... ... 身邊稱得上的戰友 , 一個一個地默然離開 , 其中有一位願意回來 , 重新披上戰衣跟我們繼續奮鬥 , 可惜的是一人的力量能有多少 ?


今年年頭已有一位戰友 L 離職 , 我睇住佢由散仔做到 Leader , 她要走的一刻 , 有很大感觸 . 最近 , 我最要好 , 無話不談的戰友 M , 也要離職了 . 無數個大時大節的晚上 , 一起捱過沒飯吃的大 Delay , 一起為乘客唱生日歌 , 一起帶領同事去認識熟客 ... ... 在貴賓室陪伴了我 4 年多的戰友 , 她的離開 , 很低調 , 怕會影響軍心 . 她人不幹 , 但心仍為貴賓室著想 , 這樣的同事離開 , 絕對是公司的損失 .


戰友 M 這一年都在為新貴賓室努力 , 同時亦要照顧同事 , 教導同事 , 她是一位很好的掃把 , 當同事知道她要離職 , 第一句是 " 不捨 " . 肯承擔的人 , 才會有人不捨吧 ! 上級對於戰友 M 的離開 , 當然也有去挽留 , 但人各有志 . 上級說 , 新貴賓室開幕前 , 才會出現戰友 M 離開的後遺症 . 上級沒有把戰友 M 的工作分派給我 , 坦白說 , 我亦無能力去接手 , 唯一接手的是現在貴賓室的運作 , 上級說了 , 以後由我負責 ... ... 我希望是我幻聽了 .


最近請了 2 位新掃把 , 相信第 3 位也很快會加入 , 他們好像已經成為我的責任 . 當大家正為新貴賓努力的同時 , 上級們好像忘記了我當掃把的日子才 2 個月 , 我的心還沒調整過來 , 我的最強戰友亦在此時離開 , 沒人有空去安撫我需要獨自面對的無助 . 公司發展很快 , 我已無能去跑 , 最要好 , 一起長大的戰友亦離開我 , 我其實心力交碎 .


明明我心裡已下決心離開 , 戰友  M 卻行先一步 , 感覺很無奈 , 很孤獨 .有好幾位同事跟我說 , 掃把 M 準備走 , 如果連小地勤都走埋 , 佢地都唔想留低 . 其實戰友 M 跟我比較接近同事 , 比較明白佢地工作上既苦況 , 亦因為我兩只是 "入左房" 才一年 , 大家仍很信任我們 , 亦經常向我們請教 , 戰友 M 的離開 , 不是工作有沒有人做咁簡單 , 而是軍心動摇了.


我自認為是她最要好的戰友 , 我的心是大大受到衝擊 , 但我不能向其他同事呻 . 我的一句說話 , 可能會令成條 Team 散左 . 少說話多做事 , 用工作去麻木自己 , 可能是最好的方法 . 我不想拋低幾位好同事 , 我跟自己說 , 捱到新貴賓室開幕吧 ! 完成這個創舉先再走 , 相信對得住其他同事 , 亦了結左個願望 . 我都好希望有幸睇到新貴賓室的開幕典禮 .


可能大家對我既去向都好有興趣 , 其實我只係想做師奶仔 , 準時返工準時放工 , 有份夠我用既人工 , 唔想收工仲要聽同事電話 , 睇住個 Whatsapps 去跟返放假日子而錯過既事情 , 亦唔想每日睇成百幾封 E-Mail . 我唔鐘意管人 , 我鐘意比人管 . 我係一個可以做好自己本份既同事 , 但我唔係一個出色既掃把 .








鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"
  • 林公子 於2017-04-23 13:40:18 留言
    同我呻,小地勤如果真係太大壓力就要考慮下第2個選擇
    太大壓力下長期作戰會引發不少其他問題
  • 舉報 回覆
  • No.1
  • 小地勤點滴 於2017-04-23 16:39:13 留言
    原文由 林公子 於 2017-04-23 13:40:18 發表
    同我呻,小地勤如果真係太大壓力就要考慮下第2個選擇
    太大壓力下長期作戰會引發不少其他問題
    以前工作係勞動上既攰,近來係精神既攰
  • 舉報 回覆
  • No.2
  • 小地勤點滴 於2017-04-28 07:38:12 留言
    原文由 Sheella113 於 2017-04-28 00:10:44 發表
    小地勤姐姐 加油啊!你得架
    感覺已經被榨乾咁。。。
    以前都有空閒上下網,依加就每分每秒都有做不完既工作,以及總有別人加給我的 ad hoc duty 。
    香港打工一種真係好慘。。。
  • 舉報 回覆
  • No.4
  • 小地勤點滴 於2017-07-01 10:24:34 留言
    原文由 1874飛飛 於 2017-06-26 23:34:33 發表
    做野有時都好無奈, 小地勤撐住
    剛剛 5 月去完一星期旅行 , 洗左好多錢 , 想唔做都唔得
  • 舉報 回覆
  • No.6

最多能輸入300字

累積瀏覽 495711

全部攻略 711

全部回應 4285