品味兒童文學

小齊快 7歲了, 
升小後我覺得佢中文識字量穩步上揚, 
變得可以睇較多文字o既中文書
我地去圖書館時佢會自己揀書 (多是魔法什麼, 食物什麼...), 
我就會揀一d我覺得有"品味"o既童書比佢






有人話從小吃好東西, 漸漸養成品味
但從小吃壞東西, 漸漸就分不出好壞, 
文學也是一樣, 所以從小要給孩子看好東西!

閱讀的品味要從小奠定, 真係當頭棒喝
我小時候無人教我呢d, 所以我真係好遲好遲先開始閱讀

而且揀書都係亂o黎
但其實閱讀都係好個人o既事, 有興趣自然會自己發掘
我唔希望變成 assignment 咁迫小齊睇, 我只做引領, 導讀一下
同埋建構一個好o既作品觸手可及o既家居環境就好!



暫時o黎講, 我覺得好果d兒童文學多數只係我覺得 "真好, 真有深度"
而小齊會覺得 "悶, 唔知講乜..."
但我唔會放棄引進比佢睇o既
只要有恆心, 鐵杵磨成針嘛



近排搵左幾本(我自己好欣賞o既)書比小齊,

<<落花生>> - 所以你們要像花生，因為它是有用的，不是偉大、好看的東西

 


 名家小品, 字數適中







同系列o既繪本仲有 <<你是人間的四月天>> , <<匆匆>>...
作者有林徵因, 徐志摩, 鄭愁予, 余光中....
太強大!! 
"你是愛，是暖，是希望，你是人間的四月天"
"我揮一揮衣袖，不帶走一片雲彩"
"我達達的馬蹄是美麗的錯誤，我不是歸人，是個過客 "
希望呢d書可以幫助引領小齊進入品味兒童文學
小齊係幾喜歡抄寫, 
佢有時會叫我搵d o野比佢抄
咁我有時叫佢溫下默書, 有時就比d 習作佢抄






近來佢開始抄寫唐詩, 仲搵左本簿專抄唐詩
我覺得非常有意義!
我借左呢本好正(我覺得) o既書佢睇
其實係我同佢一齊睇
唐詩用字佢好多都唔明, 我要用白話文翻譯




小齊對於我能夠背誦其中一d唐詩感到有d 詫異
我話你想背你都背到咖
我細個都背長恨歌啦



哈哈, 暫時唔覺佢有背, 
但抄抄寫寫就有o既






希望將來有一日佢可以試下寫詩
所以我決定買呢本書o黎鎮宅!



同小齊睇書我好enjoy 過程, 而收穫o既副產品就係佢中文都變好囉
今次考試小齊中文科成績最好, 
咁多份paper 夾埋都只係扣左4分, 
雖然無得睇卷, 但媽媽都非常滿意了

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================