尋日(18-3-2017 Sat)老公要OT，叫我幫外賣送嚟，臨急臨忙叫我去邊喥買好，唔理，上咗車至上網睇啦。search到有啲喺工廈又要上樓，唔想老公餓住等咁耐，再search到有地舖嘅呢間，睇吓價錢又唔算好貴，於是搵呢間啦。落咗車邊行邊搵，搵到喇，睇睇menu，
![]()
有沙律同意粉餐，就決定要$58.00嘅松露牛肝菌配園意粉餐，同$43.00嘅經典凱撒沙律配燒雞。
入到去order，收銀問個餐要咩嘢？我問是日餐湯係咩？佢答香草番茄湯。咁就要湯啦。
買完喺喥等，等咗好耐，所有嘢終於到齊，拎到去老公嘅公司，我都肚餓喇。
打開晒所有嘢，份量唔多，
![]()
湯好熱，老公先飲湯，佢話茄膏開。我又飲吓，係幾重茄膏，冇乜誠意。
味道:3分
然後我先食經典凱撒沙律配燒雞，冇麵包乾嘅？菜新鮮，芝士份量啱啱好;燒雞就好普通。
味道:2.5分
之後同老公交換嘢食，所有嘢嘅口感都正常，味道又啱啱好，有松露嘅香，呢個調較得幾好。
味道:5分
抵食係2.8分
環境:
間舖唔大，但都算舒適。
![]()
![]()
佢哋重有較好味同pack好嘅方便食物，俾客人買返屋企煮熟就得。
其他:
佢哋嘅田園雜沙律杯，有三種沙律醬揀，包括普通嘅蜜糖芥末，同特別嘅香橙黑醋，檸檬薑汁。
![]()
亦都有較好味同pack好嘅方便食物，俾客人買返屋企煮熟就得。
佢哋嘅外賣用品都盡量環保，袋係紙袋，湯杯又用紙造，叉用木造。
![]()
================================
感謝 愛食 提供以上資料
愛食的網誌: http://www.openrice.com/zh/gourmet/reviews.htm?userid=46226&city=hongkong
================================
