今日(26-11-2016 Sat)等男友放工去梨木樹,搵佢男友人D攞o野,但D攪錯o左,話唔係今日.咁我o地食o野啦.去大家樂,因有咩蜜糖炸雞二人套餐,我o地o黎到,見好多人排隊,老公就先去搵位,我就排隊買o野,見唔到我講o既套餐,但有紫米露茶餐,有生煎包同咖喱角,重有幾多o野揀,但因視線受阻,就要埋卡邦尼雞肉意粉.
最後決定要$30.00o既L6紫米露茶餐加$5.00要熱檸水,同$39.00o既卡邦尼雞肉意粉加$5.00要熱奶茶.買完行去攞餐兼影低啲單,點解紫米露茶餐o既咖哩角變o左豬皮蘿蔔?
![]()
於是返去問收銀,佢答L6係咖哩三寶,咖哩角係配雞翼,話同我換返.我答唔係噃,於是佢同我出去睇個牌.啊,係喎佢o岩,咁唔改喇,唔好意思.
我就排隊攞o野喇,卡邦尼雞肉意粉o個個齊晒,先拎去老公o度,之後攞埋紫米露茶餐,紫米露茶餐得咁少o野就要$35.00,好貴.
![]()
影好相開餐,老公先食咖哩三寶,我問佢辣唔辣?佢答唔辣同唔熱.我就先食豬皮,口感適中,食到咖哩o既香料,有啲辣.我同老公講,佢話可能佢先食魚蛋唔入味,豬皮入o左味啦.
而魚蛋唔算好彈牙,一食白蘿蔔,就感覺啲咖哩溝o左水,好難食.
味道: 1分
o係呢個時候,聽到隔離枱o既女仔講只想食紫米露,我至記得係喎,呢個有紫米露,佢o地漏俾,老公就出去攞返,好彩佢o地都肯俾返.
然後食生煎包, 生煎包細細個,
![]()
食落,莫講話唔脆,連煎都感覺唔到,餡料正常濕,但唔會爆汁,味道正常.
味道: 3分
之後食卡邦尼雞肉意粉,o衣o家睇返張單,張單寫煙肉蘑菇雞肉意粉,奇.
![]()
![]()
呢個熱騰騰,雞肉有好多,意粉唔太腍,汁o既味道就淡唔夠濃,煙肉好似唔多食到,而蘑菇就更加食唔到.
味道: 2.8分
而紫米露呢,
![]()
都係熱騰騰,但紫米唔多,
![]()
芋頭粒好腍,成個味道都唔甜.
味道: 2.8分
兩杯o野飲就冇乜問題.
味道: 3分
服務:
除o左上面講o既服務外,執o野o既姐姐服務都唔錯,眼見佢見客人將BB凳放o係通道,就幫佢放o係固定o既座椅上,咁就唔會被收餐具o既車撞到,好貼心.
而收我o地o野o既時候,都有問我o地啲o野重要唔要.
================================
感謝 愛食 提供以上資料
愛食的網誌: http://www.openrice.com/zh/gourmet/reviews.htm?userid=46226&city=hongkong
================================
