14/03/2017 當晚同朋友睇完戲已經是九點幾 ,
由於當晚我好想食韓燒所以就在附近找了一間燒肉店 ,
雖然說近但去到餐廳都差不多十點 ,
一入到去坐在收銀處的男店員表示已經 last oreder (我估佢係老闆 )
原本諗住走人不過臨走前朋友多問一句 : 還可以入座嗎 ?
該店員表示可以跟住他叫另一店員立即幫我哋開位 ,
一坐下就是同朋友兩個埋頭地忙着點餐
點餐時間十分鍾都唔知有無但我哋已經叫到一枱都係食物
" 花甲 & 海虎蝦 "
由於時間關係我都未來得切拍照朋友已經開始燒烤喇 !
" 生菜及韓國面豉醬 & 前菜 "
原來這店的生菜同面豉醬都是要 order 的 ,
好彩有 order 啫佢嘅面鼓醬好好吃 ^^
時間實在太急趕搞到我都無乜食前菜添 !
" 蛋伴生牛肉 "
牛肉我已經少食更何況是生牛肉所以這份是朋友點的 ,
雖然個賣相差整得唔係咁靚但朋友都話 ok 幾好食
" 牛骨紹菜豆醬湯 "
這個豆醬湯都幾好飲喎 !
" 雞肉腸 & 冬菇 "
" 牛利 "
這個牛利當然係朋友點啦 ! ( 都幾大片 )
" 韓式炒年糕 "
炒年糕都唔錯幾好食
" 五花腩 "
五花腩靚就靚只是略嫌薄片咗少少
" 鮮魷 "
鮮魷夠厚身絕對是我杯茶
" 鹽燒鯖魚 "
朋友叫咗咁多牛我都幫手食少少啦 !
估唔到佢嘅豬頸肉好食過五花腩 ,
可能因為豬頸肉夠厚身啩 !
原來我比較鍾意呢種網燒多啲 ^^
" 泡菜炒豬肉 "
泡菜炒豬肉真的是絕配好難會唔好食 ^^
" 蛋包蝦 "
可能已經去到水尾所以感覺麻麻 ,
但如果以價錢計這個放題的食物都算是中規中矩啦 !
用不足一小時來韓燒都是第一次 , ( 鬼叫自己想食咩 ! )
要多謝朋友 L 在我拍照時不停咁燒烤 , ( 等我可以坐享其成 )
而且更加要多謝你肯陪我一齊癲 ^^
