4月時份的每月一餐，今次揀了韓燒，亞士厘道的喜來稀肉，可能因為是新的店子，訂位惠顧會免費送喜來五花肉一客，呢個優惠都是吸引之處呢。
常見的韓燒店子格局，面積尚算大，位與位有空間，每張枱設有長煙囪抽氣管,防止沾到周身油煙味，汽油桶椅,可打開蓋子放袋。
不少得的前菜小食。
年食的醬料及生菜。
食韓燒咁口喝，必要飲水。
兩邊的芝士及蛋漿，是無限添加。
食韓燒~啤啤佢。
五花肉，$115，是送的，薄切的五花肉，肥瘦肉層次分明，賣相不俗，味道香口又油潤，幾好味呀。
護心肉，$150，豬肉，色澤上是麻麻地的樣子，不過食落又沒問題，護心肉味道濃郁，口感豐富，都不俗呢。
喜來烤肉，$130，牛肉，色澤不俗，牛肉味濃好惹味呀。
海鮮蔥餅，$85， 有蜆及魷魚等海鮮，份量不少，蔥餅口感煙韌 ，味道香口，不過都幾油膩。
參雞湯，$120。
蔘雞湯，味道濃郁，原隻嫩雞內有糯米飯，雖然雞肉不算嫩滑，但味道不俗。
有水準的韓燒，好耐冇食得咁盡興，服務態度幾好。
尖沙咀亞士厘道35號九龍中心大廈地下B舖
