2017-04-30 我七個月大了﹗(7M)

我七個月大了！

今個月我第一次衝出香港，同爸爸媽媽公公婆婆暐姨姨Day姨丈曉曉表姐一齊去左澳門旅行。我地去左好多地方，第一次住酒店，第一次用花洒沖涼，酒店張床好大，係上面碌來碌去好開心。

我已經出左兩隻牙仔，本來已經午餐和晚餐都食粥仔，已經食過好多口味，菜心、紅蘿蔔、白菜、南瓜、節瓜、西蘭花、菠菜、蛋黃、三文魚同埋瘦肉都係粥仔的材料，不過食到中途媽媽話我d便便唔太理想，所以要食番多d奶奶先喎。除左食粥仔之外，今個月都試左d新水果，西瓜、火龍果同埋啤梨都好好味呀！另外，我都好鐘意食餅餅，不過，如果要我自己拎住的話，唔好喇⋯⋯

我依家已經坐得好好，爸爸媽媽係我旁邊的話會嘗試爬上他們身上，或借力嘗試企起身。另外，我又會學屋企隻爬爬熊係地下爬，不過好難呀，顧得手黎就顧唔到腳，都係拍下熊仔個pat pat叫佢爬容易d，至於翻身，Sorry，我無興趣做囉！

媽媽話我依家好多野講，但係佢都唔係成日明我講乜，希望佢快d識聽我d話喇！

夏天黎喇！真係好熱好熱，點解爸爸媽媽好似唔怕熱咁既？我已經熱到頂唔順佢地連風扇都唔開，仲成日話我係冷氣B，其實係你地唔正常囉⋯⋯

Comments

comments

感謝 Catherine 提供以上資料

Catherine的網誌: http://www.wufamilyblog.com/~catherine/