又是每月一餐的時候，友人提議去食重慶咖喱，重慶大廈咖喱，真係好耐冇食過了，都好想再戰，今次揀了新德里餐廳，book了4位，可以由餐廳職員親自帶客人上餐廳。
好有印度特色的枱子，像是畫呢，侍應多是印度人。
餐牌有中文，不怕溝通唔到，食物上比想像中多選擇呀。
脆餅，十分脆口，少少辣，伴的羅勒青醬，味道很重，帶點薄荷味。
飲品色彩十分鮮艷。
士多啤梨乳酪，$30，有好香的士多啤梨味，微甜。
玫瑰乳酪，$30 ，友人的，試了少許，玫瑰味突出。
香蕉乳酪，$30，友人的。
素咖喱角，每件$7，賣相大件好飽滿，皮有點硬，有好多饀料，咖喱味濃，不太油膩，都不俗呀。
印度炸洋蔥圈，$35，皮較厚身，洋蔥味唔算太強烈，唔太油膩，味道不俗。
洋蔥烤餅，$22，厚身的烤餅，口感煙韌，味道似蔥油餅，都幾油膩。
新德里特式烤餅，$22，好厚身的烤餅，味道甜甜地。
瑪莎拉燴雞，$72， 咖喱味濃郁，少許辣，香料味頗重，雞份量適中，肉質腍腍地。
椰汁咖喱羊肉，$80，椰香味不太濃，香料味頗重，味道甜甜地，少許辣，羊肉腍腍地，冇乜羶味。
香濃腰果汁炸芝士，$65，好特別的菜式，腰果汁，味道甜甜地，少許香料味，唔太辣，有一舊像薯仔的物體，初步相信是炸芝士球，口感軟腍，質感有點似薯仔，但一咬便散，唔多覺有芝士味。
個人覺得味道普通，咖喱味道不太辣但香料味濃，不過有興趣都可一試呀。
尖沙咀彌敦道36-44號重慶大廈C座3樓3室
