晚餐在官塘茶木

時間過得好快又到星期六，呢個星期好忙新呢個媽媽無咩嘢，本來有個工人可以好輕鬆，但呢個就好豬講完又唔記得，啲嘢重覆又重覆講完都做唔到，洗菜咁簡單講咗幾次都好是但洗，浸完就用水龍頭洗下就算，我問點解咁洗要洗三次，有幾次睇住都喺咁洗，叫她再洗就立即黑面，最後我都唔理，本來都好用心去教，還專登中譯印同她媾通，連太太的媽咪都比她氣死，見我咁用心教她都好服我，我有時都喺度淋她真係唔識還是裝，應該做唔做，唔洗做就想去做，總之幫唔到手還好阻住，自己做更快更容易掌握時間，每日都係早到遲走，呢個媽咪好西化，樣樣都唔跟，好多嘢都唔食所以每日都煮啲好普通嘢，只喺燉湯要她飲，餵人奶又好是旦有就餵無就算，煲上奶湯又唔要，好似好得閒，但每日回家都好攰，煮完飯搞掂喺 sofa 睇下嘢就瞓著，等老公搞掂完叫醒我上床，但我又要記錄每日煮啲嘢同計買嘢啲數，搞掂完就去瞓，今晚得我一個食，最後阿妹過黎請我食飯去咗APM茶木，原來食完叫我倍她去睇電腦，喺茶木食餐有飯，餸，蛋糕同飲品，埋單$230左右，阿妹就專登想我試可能唔識叫，叫啲都係一般簡單嘢

 小小牛腩用爐熱住

 雜果菠蘿咕嚕肉

 藍莓蛋糕，我覺得無芝士味

茶木蛋糕太甜

 紅豆薏仁茶就唔需補錢，

但可加$9就可轉$31的飲品