2017年6日5夜福州、廈門休閒美食之遊-day1(廈門編)

由 Dusty 於 2017-09-05 10:17:32 發表 | 累積瀏覽 319

分類：；地區：中國

今早食完個早餐後就要出發去福州火車南站

臨離開鄉下前，帶啊媽黎品嘗拌麵同扁肉，反正自已都好想食

我們坐公巴車到馬尾，再轉車到火車南站，都好方便同價錢才$3-4蚊位

話咁快就到了福州火車南站，今次在窗口取票唔洗用好多時間

通了安檢後，去廈門既班次還有一段時間才夠鐘，所以就在候車區休息下

終於等到夠鐘入閘

我媽幾似背包客hahaha

今次坐二等位，因為車程比較短，但都要兩個幾鐘

到了廈門後，我們去公交車站那出口

出了火車站就好容易見到梧村公交車站，另外在梧村地下街裡面都有個公交車站的

我們坐26號公交車，在濱北中行站落車

原來係雙層巴士，感覺都幾好喎

一落車後，前面就係瑞提拉酒店，我在攜程訂房，還有回贈，最重要這酒店價錢合理同交通算方便

酒店大堂

呢款專bb車又幾得意喎

房間就唔算好大，但勝在幾企理同有免費WIFI

洗手間

在酒店沖個身後，就出發去食晚餐先

工商銀行就係車站，所以離酒店好近，在廈門要善用公交車，去景點好方便的，最緊要每程才$2蚊位！

到廈門第一餐就想食海鮮，選擇了這間上青本港海鮮餐廳

海鮮種類都唔少，不過我們得兩個人，所以唔會點得多，加上自已都做過下功課，在睇海鮮時，女職員負責幫我落單，但可能見我睇黎睇去，就有個像老闆既男人走黎招呼我，我就俾他看我想要既海鮮啦，這男人就講有些海鮮係季節性既，所以有些係無，最後他都推薦了我食招牌金鍋真鯛麵線，我再點多個白灼魷魚筒，老闆見到價錢係$98蚊斤，就同職員改返個價錢表，因來貨才$88蚊斤喎，又幾老實喎，而且不段同我講唔好再點，兩個人怕食唔晒個鍋！所以點了兩樣野，埋單才$196蚊

醃蘿蔔

白灼魷魚筒:魷魚筒真係好新鮮，灼既時間非常好，咬落好有彈性，唔錯

招牌金鍋真鯛麵線:老闆又突然親自過黎招呼我們，講這真鯛係活的，現點現殺，而且係野生海魚，所以魚片刺身食都可以

見到個鍋我都嚇一跳，真係好大鍋下！老闆幫我放些魚片在湯度

然後等滾起就食得

因為係用酒精既火種，所以唔會好大滾，魚片慢慢浸熟

可以加些配菜

其實麵線我都經常會食的，在香港買壽桃牌藍色包裝那款，但這麵線好快就會糊在一起！但這店麵線就好唔同，煮幾耐都唔會糊在一舊舊，口感又夠滑，之後我都去街市買幾包廈門麵線返香港heehee

試下真鯛魚片先，魚片好嫩滑，而且無咩魚骨，魚味都幾濃，一點腥味都無

拆出黎整條魚骨同魚頭輕輕炸一炸，然後用大量蕃茄黎熬制，湯頭好甜好好飲

睇下個魚頭幾大

呢餐食得超級滿足，好滿意老闆對客人既細心，唔會因得兩個人就覺得賺唔多，而降低服務態度，加上可能我們好早到，店還無咩客人