8 【觀塘 樓上美食】專屬你口味的私房菜 ♥ 花龍蝦餐 ♥ 御膳私房菜

這晚真是有口福

朋友仔帶我們兩公婆去食私房菜

這晚的【花龍蝦餐】

有湯、龍蝦、龍躉 ... 一湯 + 六餸 + 炒飯 + 甜品 ... 共九道菜

四位用，每人約 HK$330，全部都啱哂我們的口味

當然喇 !!!

餸菜都是根據我們的口味來設計的菜單喎 !!!

真是辛苦哂我這位朋友仔喇 !!!

但是她話現在訂位和點菜都好方便

因為可以whatsapp 與店員溝通，只要告知人數、預算和口味 ....

店員會根據我們的口味設計菜單，如果不滿意改到啱食為至 ~~ 

仲話兩個人都可以訂這兒的私房菜，之後與儍爸撐枱腳又有個好地方囉 !!!

先嚟個醒胃前菜 ... 麻辣鹵水拼盆

因為事先交帶過不太食得辣，所以是少少少辣版

麻辣牛肚和豬肚鹵得入味，但不會鹵得太軟，仲很有咬感

手撕雞加入了爽脆的青瓜絲，配上微辣的麻醬，味道清新

奶白色的 ... 什菌大蜆豆腐湯 ... 味道清甜又鮮味，仲好足料

裡面有很多什菌，豆腐和超大隻的大蜆

香煎花龍蝦

點菜時可以揀芝士、上湯或香煎，我就揀了少見的煮法 ...香煎

香煎龍蝦即是豉油皇香煎開邊龍蝦，通常用來做豉油皇大蝦

估不到與龍蝦都好夾，醬汁又不會蓋過龍蝦的鮮味

豉油汁不太咸，仲好惹味，好味到連手指的醬汁都脷埋

龍蝦底仲有成座山咁高的脆麵，炸得好脆又乾身，仲不會油淋淋

吸了香煎龍蝦醬汁的精華仲好食，估不到咁大埋的脆麵又比我們掃清光

金銀蒜蒸龍躉腩

龍躉腩肉質爽脆鮮甜

最鍾意充滿豐富骨膠原的厚厚魚皮，豐潤甘腴

加埋惹味的香銀蒜，好味到連粉絲都清哂

蒜蓉粉絲蒸蟶子王

蟶子大大隻，鮮甜爽口又無沙

生炒骨就食得多，這晚食得特別點 ... 士多啤梨骨

賣相不相，醬汁好似士多啤梨咁紅卜卜

味道酸酸甜甜，很開胃

腩排帶點肥肉，食落去較香口又無咁乾

略嫌太大件，如果切細件少少就可以食得方便點

上湯浸時菜

招牌御膳炒飯

好夠份量又足料的炒飯，炒得夠香又夠乾，米飯粒粒分明

裡面仲有很多蝦、帶子、叉燒、蛋 ...

每人食了一碗仲剩大半碟，本著惜食精神，當然外帶回家

最後，食埋個甜品，香滑的 ... 雲呢嗱布甸 ... 為這餐來個完美的句號

御膳私房菜

香港 九龍 觀塘 敬業街 65-67 號 敬運工業大廈 12 樓 F 室

** 以上分享是以我的口味、喜好和情況作出分享及感受，一試 / 合用與否請行自決定