30/10/2017 今次朋友請飯我揀了這裡 ,
其實之前路過都好想試 ,
但次次門口都排滿了人所以就放棄了 ,
今次本應想預約可惜太遲最後唯有 walk-in ,
及後到店聽店員講最少要早兩個星期前訂座先有位 ,
幸好當天可以在七點前到餐廳人流並不多 ,
所以不用等就有位了 ,
原先店員安排我哋坐吧枱 ,
及後的另一位店員則問我哋坐唔坐露台的位置 ,
不過如果坐露台就不能食鍋物 ,
因為這裡沒有插頭所以便沒有鍋物食了 ,
最後我哋都揀了坐露台雖然無鍋物食 ,
但就可以一邊欣賞靚靚的維港景色一邊品嚐美味的美食 ^^
" 海老牛油果美人卷 "
美人卷清清哋都可以嘅 !
" 雞肉炸茄子美人卷 "
" 豚肉卷飯團 "
睇 Menu 時見到有三款味道嘅豚肉卷飯團已經十分之吸引 ,
但朋友唔食得辣所以就無試辣味嗰款喇 !
" 豚肉卷飯團 / 芝士味 "
芝士味的賣相亦相當之吸引
" 梳乎厘玉子燒 "
來這裡我必定會試這個玉子燒
朋友唔食得蟹肉而我又唔多想食鰻魚 ,
所以最終乜嘢配料都無加只要了原味 ,
玉子燒的外層十分之甘香但內裡依然好嫩滑 ,
我超鍾意呢個蛋下次來我要加蟹肉 ^^
" 雞白湯醬油拉麵 "
食完晒所有嘢食都好似差少少咁 ,
最後就 order 了這碗拉麵。
呢款拉麵都唔錯幾好吃
" 美人甜卷 - 雪糕、黑糖、白玉、黃豆粉 "
原來我同朋友都睇中咗呢款甜品 ,
咁就一於試下佢啦 !
用米紙包裹着雪糕係幾得意嘅 !
不過咁樣食就會覺得啲米紙硬咗少少 ,
如果下次再來一定要試鍋物同其他甜品 ^^
來一個維港全景先
當晚同朋友吹住海風對住咁靚嘅維景晚餐真係一件賞心樂事 ^^
